കൊച്ചി: എയ്ഡഡ് വിദ്യാഭ്യാസ സ്ഥാപനങ്ങളിലെ അധ്യാപകര്ക്ക് ഇനി തെരഞ്ഞെടുപ്പില് മത്സരിക്കാനാകില്ല. ഹൈക്കോടതിയുടേതാണ് നിര്ണായക വിധി. ചീഫ് ജസ്റ്റീസ് അധ്യക്ഷനായ ബെഞ്ചാണ് 24/02/21 ബുധനാഴ്ച വിധി പ്രസ്താവിച്ചത്.
നിലവില് എയ്ഡഡ് വിദ്യാഭ്യാസ സ്ഥാപനങ്ങളിലെ അധ്യാപകര്ക്ക് തെരഞ്ഞെടുപ്പില് മത്സരിക്കുന്നതിന് ചില ഇളവുകളുണ്ടായിരുന്നു. ഈ ഇളവുകള് പാടില്ലെന്നായിരുന്നു പൊതുതാത്പര്യ ഹര്ജിയിലെ ആവശ്യം. ഇതേ തുടര്ന്ന് വിശദമായ വാദം കേട്ടശേഷമാണ് ചീഫ് ജസ്റ്റീസ് അധ്യക്ഷനായ ബെഞ്ച് വിധി പറഞ്ഞിരിക്കുന്നത്.
നിയമസഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില് പല രാഷ്ട്രീയ പാര്ട്ടികള്ക്കും വിധി തിരിച്ചടിയായേക്കും. എയ്ഡഡ് അധ്യാപകര്ക്കുണ്ടായിരുന്ന പരിരക്ഷ ഭരണഘടനാ വിരുദ്ധമാണെന്ന് ഹൈക്കോടതി നിരീക്ഷിച്ചു. എയ്ഡഡ് സ്കൂള് അധ്യാപകര്ക്ക് ഇനി തെരഞ്ഞെടുപ്പില് മത്സരിക്കണമെങ്കില് ജോലി രാജിവയ്ക്കേണ്ടിവരും.
