കൊച്ചി: ഓണ്ലൈന് റമ്മി നിരോധിക്കണമെന്ന ഹര്ജിയില് നടപടിയുമായി ഹൈക്കോടതി. കമ്പനികളുടെ ബ്രാന്ഡ് അംബാസഡര്മാരായ നടി തമന്ന, നടന് അജു വര്ഗീസ്, ക്രിക്കറ്റ് താരം വിരാട് കോലി എന്നിവര്ക്ക് ഹൈക്കോടതി നോട്ടീസ് അയച്ചു. ഹര്ജിയില് പ്രതികരണം അറിയിക്കാന് സംസ്ഥാന സര്ക്കാരിനോടും കോടതി ആവശ്യപ്പെട്ടു.
ഓണ്ലൈന് റമ്മിയിലൂടെ പണം നഷ്ടപ്പെട്ട നിരവധി പേര് ജീവനൊടുക്കിയ സംഭവങ്ങളുടെ പശ്ചാത്തലത്തിലാണ് ഹൈക്കോടതിയിലെ ഹര്ജി. തൃശൂര് സ്വദേശിയായ പോളി വര്ഗീസാണ് ഹൈക്കോടതിയെ സമീപിച്ചത്. ഓണ്ലൈന് പ്ലാറ്റ്ഫോമുകളില് ഓണ്ലൈന് ആയുള്ള റമ്മി മത്സരങ്ങള് ധാരാളമായി വരുന്നു. അത് നിയമപരമായി തടയണം എന്നായിരുന്നു ഹര്ജിയിലെ ആവശ്യം. മറ്റ് സംസ്ഥാനങ്ങള് ഇത് ചെയ്തിട്ടുണ്ട്. കേരളത്തില് 1960ലെ നിയമമുണ്ട്. പക്ഷേ മറ്റു നടപടികളിലേക്ക് കടന്നിട്ടില്ല. അതില് ഓണ്ലൈന് റമ്മി എന്ന വിഷയം ഉള്പ്പെടുത്തിയിട്ടില്ല. അതിനാല് നിയമപരമായി തടയണം എന്നായിരുന്നു ഹര്ജിയിലെ ആവശ്യം.
ബ്രാന്ഡ് അംബാസിഡര്മാരായ താരങ്ങള് പ്രേക്ഷകരെ ആകര്ഷിക്കുകയും മത്സരത്തില് പങ്കെടുപ്പിക്കുകയും ചെയ്തു എന്നും ഹര്ജിയില് ചൂണ്ടിക്കാട്ടിയിട്ടുണ്ട്.
