കഠിനംകുളം: കണിയാപുരം ചാന്നാങ്കരയിൽ സ്വര്ണക്കടയ്ക്കു നേരെ ബോംബെറിഞ്ഞ് അഞ്ച് പവന് കവര്ച്ച ചെയ്ത കേസില് രണ്ട് പ്രതികള് പിടിയിൽ. കോവളം സ്വദേശി ഗിരീഷ് മോഹന്, വാഴമുട്ടം സ്വദേശി ആനന്ദ് എന്നിവരെയാണ് കഠിനംകുളം പൊലീസ് അറസ്റ്റ് ചെയ്തത്. പ്രതികളോടൊപ്പം കാറും ബൈക്കും കസ്റ്റഡിയിലെടുത്തു.
പന്ത്രണ്ട് പേരടങ്ങുന്ന കവര്ച്ചസംഘം പേയാട് നിന്ന് വാടകക്കെടുത്ത ഇന്നോവ കാറിലും ബൈക്കിലുമായാണ് മോഷണം നടത്തിയത്.
നിരവധി ക്രിമിനല് കേസുകളില് പ്രതിയായ കഠിനംകുളം സ്വദേശിയുടെ ആസൂത്രണ പ്രകാരമാണ് പ്രതികള് കവര്ച്ച നടത്തിയതെന്ന് പോലിസ് പറഞ്ഞു കേസില് ഉള്പ്പെട്ട മറ്റു പ്രതികളെ ഉടന് പിടികൂടുമെന്നും കഠിനംകുളം പൊലീസ് സ്റ്റേഷന് എസ്.എച്ച്.ഒ എച്ച്.എല്.സജീഷ് പറഞ്ഞു. ആറ്റിങ്ങൽ കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു
