ലണ്ടൻ: ജനിതകമാറ്റം സംഭവിച്ച കൂടുതൽ അപകടകാരിയായ കൊറോണ ഇംഗ്ലണ്ടിൽ പടരുന്നു. ഇംഗ്ലണ്ടിന്റെ ചില ഭാഗങ്ങളിൽ പുതിയ വൈറസ് അതിവേഗം വ്യാപിക്കുന്നതായാണ് വിവരം. പുതുതായി കോവിഡ് ബാധിച്ച ആയിരത്തിലധികം രോഗികളില് പുതിയ ഇനം വൈറസിന്റെ സാന്നിധ്യം സ്ഥിരീകരിച്ചതായി ബ്രിട്ടീഷ് ആരോഗ്യ സെക്രട്ടറി മാറ്റ് ഹാൻകോക്ക് അറിയിച്ചു.സ്ഥിതി നിയന്ത്രണാതീതമാണെന്നും അദ്ദേഹം ഞായറാഴ്ച ( 20/12/2020) പറഞ്ഞു.
ഈ വൈറസ് അതിവേഗം രോഗം പടർത്തുന്നതാണെന്ന് ഹാൻകോക്ക് മുന്നറിയിപ്പ് നൽകി. ലോകാരോഗ്യ സംഘടനയെ വിവരം ധരിപ്പിച്ചതായും നിലവിൽ നൽകിത്തുടങ്ങിയ വാക്സിൻ പുതിയ വൈറസിനെതിരെ ഫലപ്രദമാകുമോയെന്ന് ആശങ്കയുണ്ടെന്നും ഹാൻകോക്ക് പറഞ്ഞു.
