കൊച്ചി: പരാതി സ്വീകരിച്ചില്ലെന്ന് ആരോപിച്ച് കസബ പൊലീസ് സ്റ്റേഷനു മുന്നിലുള്ള മരത്തില് കയറി ട്രാന്സ്ജെന്ഡര് ജീവനൊടുക്കാന് ശ്രമിച്ചു. എറണാകുളം സ്വദേശിയായ ആവണി എന്ന ട്രാൻസ്ജെൻഡറാണ് ആത്മഹത്യാ ഭീഷണി മുഴക്കിയത്.
സ്റ്റേഷനിലെത്തിയ ട്രാന്സ്ജെന്ഡറുകള് പരാതി നൽകിയിട്ടും പോലീസ് സ്വീകരിച്ചില്ലെന്ന് ആരോപിച്ച് പോലീസുമായി വാക്ക് തര്ക്കത്തില് ഏർപ്പെടുകയായിരുന്നു. ഇതിനിടെയാണ് ആവണി മരത്തിൽ കയറിയത്. ഒടുവിൽ കേസെടുക്കാമെന്ന് പൊലീസ് ഉറപ്പ് നല്കിയതോടൊയാണ് താഴെയിറങ്ങാൻ തയ്യാറായത്.
ഫയര് ഫോഴ്സിന്റെ സഹായത്തോടെയാണ് ആവണിയെ താഴെയിറക്കിയത്.
ഇതിനിടെ ബോധരഹിതയായ ഇവരെ എറണാകുളം ജനറല് ആശുപത്രിയിലേക്ക് മാറ്റി.
