മുംബൈ: മയക്കുമരുന്ന് വാങ്ങുന്നതിനിടെ സീരിയല് നടി മുംബൈയില് അറസ്റ്റിൽ. നാര്ക്കോട്ടിക്സ് കണ്ട്രോള് ബ്യൂറോയാണ് നടിയായ പ്രീതിക ചൗഹാനെ അറസ്റ്റ് ചെയ്തത്. ഇവരെ കില കോടതിയില് ഹാജരാക്കും. ഇവരെ കൂടാതെ മറ്റ് നാല് പേര് കൂടി അറസ്റ്റിലായിട്ടുണ്ടെന്നാണ് റിപ്പോര്ട്ടുകള്. എന്നാല്, കൂടുതല് വിവരങ്ങള് ഏജന്സി പുറത്ത് വിട്ടിട്ടില്ല.
സാവദാന്, ദേവോ കി ദേവ് മഹാദേവ് തുടങ്ങിയ സീരിയലുകളില് അഭിനയിച്ച നടിയാണ് പ്രീതിക. ബോളിവുഡ് നടൻ സുശാന്ത് സിങ് രജ്പുതിൻ്റെ
ആത്മഹത്യയെ തുടർന്ന് മയക്കുമരുന്ന് മാഫിയയുടെ പങ്കിനെ കുറിച്ചുള്ള അന്വേഷണത്തിനിടെയാണ് പ്രീതികയും പിടയിലായത്. സുശാന്തിൻ്റെ കാമുകി റിയ ചക്രവര്ത്തിയുടെ വാട്സ് ആപ് ചാറ്റുകള് പുറത്തായതോടെയാണ് സുശാന്തിൻ്റെ മരണത്തില് മയക്കുമരുന്ന് മാഫിയയുടെ പങ്ക് അന്വേഷിച്ചത്.
