ലണ്ടന്: വര്ദ്ധിച്ചുവരുന്ന കൊവിഡ് നിരക്ക് നിയന്ത്രിക്കുന്നതിനുള്ള കര്ശന നടപടികളുടെ ഭാഗമായി ഹോട്ട് സ്പോട്ടുകളില് ദമ്പതികള്ക്ക് ലൈംഗീകത വിലക്കേര്പ്പെടുത്തി സര്ക്കാര്. ഹോട്ട്സ്പോട്ടുകളില് ദമ്പതികളെയും അവിവാഹിതരെയും പരസ്പരം കണ്ടുമുട്ടാന് അനുവദിക്കുമെങ്കിലും സാമൂഹിക അകലം പാലിച്ചുള്ള കൂടികാഴ്ച മാത്രമായിരിക്കണമെന്നാണ് നിര്ദേശം.
ദമ്പതികളാണെങ്കില് പോലും പരസ്പരം സ്പര്ശിക്കുന്നത് കര്ശനമായി വിലക്കിയിട്ടുണ്ടെന്ന് പ്രധാനമന്ത്രി ബോറിസ് ജോണ്സണ് പറഞ്ഞു. ഇംഗ്ലണ്ടിലെ ജനസംഖ്യയുടെ പകുതിയിലധികം പേരും നിലവില് ഹാേട്ട് സ്പോട്ടുകളിലാണുള്ളത്.
