ന്യൂഡല്ഹി: മയക്കുമരുന്നു കേസുമായി ബന്ധപ്പെട്ട് നടന് വിവേക് ഒബ്രോയിയുടെ ഭാര്യ പ്രിയങ്ക ആല്വയ്ക്ക് ക്രൈംബ്രാഞ്ച് നോട്ടീസ്. ചോദ്യം ചെയ്യലിന് ഹാജരാകാന് ആവശ്യപ്പെട്ടാണ് ബെംഗളൂരു സെന്ട്രല് ക്രൈം ബ്രാഞ്ച് നോട്ടീസ് അയച്ചിരിക്കുന്നത്. കേസുമായി ബന്ധപ്പെട്ട് ഒബ്രോയിയുടെ വീട്ടിൽ നടത്തിയ റെയ്ഡിനു ശേഷമാണ് പ്രിയങ്ക ആൽവയെ ചോദ്യം ചെയ്യാൻ വിളിപ്പിച്ചിരിക്കുന്നത്.
വിവേക് ഒബ്റോയിയുടെ ഭാര്യാ സഹോദരന് ആദിത്യ ആല്വയുടെ വീട്ടിലും പൊലീസ് പരിശോധന നടത്തിയിരുന്നു. ഇതിൻ്റെ തുടർചയായാണ് വിവേകിൻ്റെ വീട്ടിലും റെയ്ഡ് നടന്നത്.
കര്ണാടക മുന് മന്ത്രി ജീവരാജ് ആല്വയുടെ മകനാണ് ആദിത്യ ആല്വ. കര്ണാടക ചലച്ചിത്രമേഖലയിലെ ഗായകര്ക്കും അഭിനേതാക്കള്ക്കും മയക്കുമരുന്ന് വിതരണം ചെയ്ത കേസിലാണ് ഇയാള് അന്വേഷണം നേരിടുന്നത്.
