ദില്ലി: ചൈനീസ് അതിർത്തിയിൽ സൈനിക വിന്യാസം കൂട്ടി ഇന്ത്യ. നയതന്ത്ര , സൈനിക തല ചർച്ചകളിൽ തീരുമാനമാകാത്ത സാഹചര്യത്തിലാണ് ശൈത്യകാലത്തിന് മുന്നോടിയായി ഇന്ത്യ സൈനിക വിന്യാസം കൂട്ടിയത്. അതിർത്തിയിലെ ആയുധശേഖരവും വർധിപ്പിച്ചിട്ടുണ്ട്. കരസേന മേധാവി ജനറൽ എം.എം നരവനേയുടെ മേൽനോട്ടത്തിലായിരുന്നു നടപടി.
ടി – 90, ടി – 72 ടാങ്കുകളും, ആധുനിക തോക്കുകളും ആയുധശേഖരത്തിൽ ഉൾപ്പെടും. നടപടികൾ പൂർത്തിയായതായി കരസേന അറിയിച്ചു.
