കൊല്ലം ചവറയില്‍ രോഗവ്യാപനം; ഗതാഗതനിയന്ത്രണം കർശനമാക്കി.

കൊല്ലം: കൊല്ലം ചവറയില്‍ 10 പേര്‍ക്കുകൂടി കൊറോണരോഗം ബാധിച്ചു. താന്നിമൂട് എന്ന പ്രദേശത്താണ് രോഗം സ്ഥിരീകരിച്ചിരിക്കുന്നത്. ഒരേ കുടുംബത്തിലെ നാലുപേര്‍, ഒരു കച്ചവടക്കാരന്‍, കറവക്കാരന്‍ എന്നിവര്‍ക്ക് രോഗം ബാധിച്ചിട്ടുണ്ട്. ഹാര്‍ബര്‍ ജോലിക്കാരനില്‍ നിന്നാണ് രോഗം ബാധിച്ചിരിക്കുന്നത്.

ജില്ലയില്‍ രോഗബാധ അധികമായതിനെ തുടര്‍ന്ന് വാഹനഗതാഗത നിയന്ത്രണം ആരംഭിച്ചു. ഒറ്റയക്ക നമ്പറുകളുള്ള വണ്ടികള്‍ തിങ്കള്‍ ബുധന്‍, വെള്ളി ദിവസങ്ങളിലും ഇരട്ടയക്കമുള്ള വണ്ടികള്‍ക്ക് ചൊവ്വ, വ്യാഴം, ശനി എന്നീ ദിവസങ്ങളിലും നിരത്തിലിറങ്ങാം. ചരക്കു വാഹനങ്ങള്‍ പാല്‍, പത്രം, സര്‍ക്കാര്‍ ജീവനക്കാര്‍, മാധ്യമപ്രവര്‍ത്തകര്‍, ബാങ്ക് ജീവനക്കാര്‍, ആരോഗ്യപ്രവര്‍ത്തകര്‍ എന്നിവര്‍ക്ക് നിയന്ത്രണം ബാധകമല്ല.

കോവിഡ് ബാധിച്ചവര്‍ 1491 പേരാണ്. 642 പേര്‍ രോഗവിമുക്തരായി. 844 പേരാണ് ചികിത്സയിലുള്ളത്. ആകെ 4 പേരാണ് മരണപ്പെട്ടിട്ടുള്ളത്.

തിങ്കളാഴ്ച, 27-07-2020-ന് 22 പേരുടെ രോഗം സ്ഥിരീകരിച്ചു. 57 പേർ രോഗവിമുക്തരായി. മരണം രേഖപ്പെടുത്തിയിട്ടില്ല.

കണ്ടൈന്‍റ്മെന്‍റ് സോണുകള്‍ താഴെ പറയുന്ന പ്രകാരം