മെഡിക്കൽ, എൻജിനീയറിങ് പ്രവേശന പരീക്ഷകളുടെ പുതുക്കിയ തീയതികൾ

തിരുവനന്തപുരം: ഈ മാസം അവസാനം നടക്കാനിരുന്ന മെഡിക്കൽ, എൻജിനീയറിങ് പ്രവേശന പരീക്ഷകൾ മാറ്റി. ജൂലൈ 26 നാണ് നടത്താൻ നേരത്തെ തീരുമാനിച്ചിരുന്ന മെഡിക്കൽ പ്രവേശനപരീക്ഷ (നീറ്റ്) സെപ്റ്റംബർ -13 ലേക്ക് മാറ്റി. എൻജിനീയറിങ് പ്രവേശന പരീക്ഷ (ജെ ഇ ഇ) സെപ്റ്റംബർ ഒന്നു മുതൽ ആറു വരെയും അഡ്വാൻസ് പരീക്ഷ സെപ്റ്റംബർ 27-നും നടക്കും. പുതുക്കിയ തീയതികൾ മാനവവിഭവശേഷി മന്ത്രി രമേശ് പൊക്രിയാൽ ആണ് പ്രഖ്യാപിച്ചത്.