ലോകത്ത് കോവിഡ് രോഗികളുടെ എണ്ണം ഒരു കോടി കവിഞ്ഞു. മരിച്ചവര്‍ 4,98,953 പേര്‍

ന്യൂഡല്‍ഹി: ലോകാരോഗ്യ സംഘടനയുടെ കണക്ക് പ്രകാരം ചൈനയിലാണ് ആദ്യമായി കൊറോണ റിപ്പോർട്ട് ചെയ്യപ്പെട്ടത്. ചൈനയിലെ വുഹാൻ സിറ്റിയിൽ കരണം മനസ്സിലാകാതെ ഒരു ന്യൂമോണിയ രോഗിയെ ആശുപത്രിയിൽ പ്രവേശിക്കുകയാണ് ഉണ്ടായത്. 2019 ഡിസംബർ 31 നാണ് സംഭവം.

പബ്ലിക് ഹെൽത്ത് എമർജൻസി ഓഫ് ഇൻറർനാഷണൽ കൺസേൺ കൊറോണയുടെ വ്യാപനത്തെ പറ്റിയുള്ള വിവരം പുറത്തുവിട്ടത് 2020 ജനുവരി 30 നാണ്.

2020ഫെബ്രുവരി പതിനൊന്നാം തീയതി ലോകാരോഗ്യസംഘടന ഈ പുതിയ കൊറോണവൈറസ് അസുഖത്തിന് കോവിഡ്19 എന്ന് പേരിട്ടു.

മാര്‍ച്ച് ആദ്യവാരത്തില്‍ 1,00,000 കൊറോണ കേസുകള്‍ ഉണ്ടായിരുന്നത് ഏപ്രില്‍ 2 ആകുമ്പോഴേക്കും ഒരു മില്ല്യണ്‍ ആയി മാറി. ഇന്നത്തെ അവസ്ഥയില്‍ 90 ശതമാനം കൊറോണ രോഗികളും ചൈനയ്ക്ക് വെളിയിലാണ്.

കൊറോണ ഭീകരത ഏറ്റവുമധികം ഉണ്ടായത് അമേരിക്കയിലാണ്. രോഗബാധയിലും മരണത്തിലും മുന്നില്‍ അമേരിക്ക തന്നെ. അ​മേ​രി​ക്ക​യി​ല്‍ കോ​വി​ഡ് ബാ​ധി​ത​രു​ടെ എ​ണ്ണം 26 ല​ക്ഷ​ത്തി​ലേ​ക്ക് കു​തി​ക്കു​ന്നു. 25,96,403 പേ​ര്‍​ക്കാ​ണ് രാ​ജ്യ​ത്ത് കോ​വി​ഡ് ബാ​ധി​ച്ചി​ട്ടു​ള്ള​ത്. 1,28,152 പേ​ര്‍ രോ​ഗ​ത്തേ​ത്തു​ട​ര്‍​ന്ന് മ​ര​ണ​മ​ട​ഞ്ഞു. 10,79,892പേ​ര്‍​ക്കാ​ണ് അ​മേ​രി​ക്ക​യി​ല്‍ ഇ​തു​വ​രെ രോ​ഗ​മു​ക്തി നേ​ടാ​നാ​യ​ത്.

ബ്രസീലിനാണ് രണ്ടാം സ്ഥാനം. 12,84,214 പേര്‍ക്കാണ് രോഗബാധയുണ്ടാകുന്നത് 56,197 പേര്‍ക്ക് ജീവന്‍ നഷ്ടപ്പെട്ടു.

രോഗം സ്ഥിരീകരിച്ചതില്‍ റഷ്യയാണ് മൂന്നാം സ്ഥാനത്ത്.627,646 പേര്‍. മരണസംഖ്യ 8,969 ആണ് എന്നുള്ളതാണ് ആശ്വാസമായ കാര്യം. കൊറോണ മരണനിരക്ക് പ്രതിരോധിക്കുന്നതില്‍ ഏറ്റവും മികവു കാട്ടിയ റഷ്യ എന്നാണ് കണക്കുകള്‍ വ്യക്തമാക്കുന്നത്.

ഇന്ത്യ കൊറോണ ബാധയേറ്റ രാജ്യങ്ങളിലെ പട്ടികയില്‍ നാലാമതാണ്. 5,29,331 പേര്‍ക്കാണ് രോഗം ബാധിച്ചിരിക്കുന്നത്. 16,103 പേര്‍ മരണമടഞ്ഞു.

ലോ​ക​ത്തെ ഒ​രു കോ​ടി കോ​വി​ഡ്​ രോ​ഗ​ബാ​ധി​ത​രി​ല്‍ പ​കു​തി​യി​ലേ​റെ പേ​ര്‍ ഇ​ന്ത്യ​യ​ട​ക്കം നാ​ല്​ രാ​ജ്യ​ങ്ങ​ളി​ലാണ്​. നാ​ലി​ലൊ​രു​ഭാ​ഗം രോ​ഗി​ക​ളു​ള്ള അ​മേ​രി​ക്ക​ക്ക്​ പു​റ​മെ ബ്ര​സീ​ല്‍, റ​ഷ്യ എ​ന്നി​വ​ര്‍​കൂ​ടി ചേ​രു​ന്ന​തോ​ടെ പ​ട്ടി​ക പൂ​ര്‍​ത്തി​യാ​കും. 25.77 ല​ക്ഷ​മാ​ണ്​ അ​മേ​രി​ക്ക​യി​ലെ രോ​ഗ​ബാ​ധി​ത​ര്‍. ബ്ര​സീ​ലി​ല്‍ 13 ല​ക്ഷ​ത്തി​ന​ടു​ത്ത്. റ​ഷ്യ​യി​ല്‍ 6.3 ല​ക്ഷം. ഇ​ന്ത്യ​യി​ലെ 5.29 ല​ക്ഷം​കൂ​ടി ചേ​രു​മ്പോ​ള്‍ എ​ണ്ണം അ​ര​ക്കോ​ടി പി​ന്നി​ടും.

ലോകത്ത് വിവിധ രാജ്യങ്ങളില്‍ കോറോണ ബാധിതര്‍ ഇപ്രകാരമാണ്.

ഫെബ്രുവരി 12-ന് ചൈനയിലെ ഹുബൈ പ്രൊവിന്‍സില്‍ 14,840 കൊറോണ കേസുകളാണ് റിപോര്‍ട്ട് ചെയ്തത്. മാര്‍ച്ച് മാസത്തോടെ ചൈനയിലെ വ്യാപനം കുറഞ്ഞു.

ജനുവരി 22-നും 23-നുമായി മെക്കോവിലും ഹോങ്കോങിലും ഒരോ കൊറോണ കേസുകള്‍ റിപ്പോര്‍ട്ട് ചെയ്തു.

ജനുവരി 30ന് വുഹാനില്‍ നിന്നും കേരളത്തിലേക്കു വന്ന വിദ്യാര്‍ഥിയ്ക്കാണ് ഇന്ത്യയില്‍ ആദ്യമായി കൊറോണ രോഗം സ്ഥിരീകരിച്ചത്. ഫെബ്രുവരി 2-നും 3-നും ഓരോ വിദ്യാര്‍ഥികള്‍ക്ക് രോഗം സ്ഥിരീകരിച്ചിരുന്നു. ഫെബ്രുവരി 28-ന് മൂന്നു പേരുടേയും രോഗം ഭേദമായി ആശുപത്രി വിട്ടു. മാര്‍ച്ച് 9-ന് പത്തനംതിട്ടയില്‍ ഇറ്റലിയില്‍ നിന്നും വന്ന ഒരാള്‍ക്കും അവരുടെ രണ്ടു ബന്ധുക്കള്‍ക്കും രോഗം സ്ഥിരീകരിച്ചു. മാര്‍ച് 9-ന് ഇറ്റലിയില്‍ നിന്നും വന്ന മൂന്നു വയസു മാത്രം പ്രായമുള്ള കുട്ടിക്ക് അസുഖം പിടിപെട്ടു. മാര്‍ച്ച് 10-ന് വീണ്ടും എണ്ണം വര്‍ദ്ധിച്ചു. 1116 പേരെ നിരീക്ഷണത്തിലാക്കി. മാര്‍ച്ച് 30 ആയപ്പോഴേക്കും സ്‌കൂളുകളും കോളേജുകളും അടച്ചിട്ടു. പൊതുപരിപാടികള്‍ നിര്‍ത്തലാക്കി. മതപരമായ ഒത്തുചേരലുകള്‍ നിര്‍ത്തി. മാര്‍ച്ച് 11-ന് 87 വയസുള്ള ഒരു സ്ത്രീയ്ക്ക് രോഗം പിടിപെട്ടു. ഇന്ത്യയില്‍ എഫറ്റവും അധികം കൊറോണ രോഗമുള്ള സംസ്ഥാനം കേരളമായിരുന്നു. 17 പേര്‍. മാര്‍ച്ച് 13-ന് 22 പേരായി. മാര്‍ച്ച് 15-ന് 24 ആയി. മാര്‍ച്ച് 16-ന് 27 പേരായി. ഒരാഴ്ച പിന്നിട്ടപ്പോള്‍ മാര്‍ച്ച് 23-ന് ആകെ രോഗബാധിതര്‍ 95 ആയി.

മാര്‍ച്ച് 25 ആയപ്പോഴേക്കും ഇന്ത്യയില്‍ രണ്ടാം സ്ഥാനമായി. മാഹാരാഷ്ട്രയിലായി ഏറ്റവും കൂടുതല്‍ കൊറോണ കേസുകള്‍. 118 പേരായിരുന്നു കേരളത്തില്‍. ശനിയാഴ്ച (27-06-2020)ലെ കണക്കനുസരിച്ച് കേരളത്തില്‍ 4069 പേര്‍ക്കാണ് ഇതുവരെ കൊറോണ ബാധിച്ചിരിക്കുന്നത്.

രാജ്യത്ത് ഇതുവരെ കൊറോണ ബാധിതരുടെ സംഖ്യ 5 ലക്ഷത്തില്‍ കവിഞ്ഞു. കഴിഞ്ഞ 24 മണിക്കൂറില്‍ 18,552 കേസുകളാണ് റിപ്പോര്‍ട്ട് ചെയ്തിട്ടുള്ളത്. ഇതുവരെയുള്ള പ്രതിദിനകണക്കുകള്‍ നോക്കുമ്പോള്‍ ഏറ്റവും ഉയര്‍ന്ന സംഖ്യയാണിത്. കഴിഞ്ഞ 24 മണിക്കൂറിനുള്ളില്‍ 384 പേര്‍ മരിച്ചതോടെ മരിച്ചവരുടെ കണക്ക് 15,685 ആയി. കൊറോണ രോഗികളുടെ കണക്കു നോക്കുമ്പോള്‍ മുന്‍പന്തിയില്‍ നില്‍ക്കുന്ന അഞ്ചു സംസ്ഥാനങ്ങള്‍ മഹാരാഷ്ട്ര, ഡല്‍ഹി, തമിഴ്‌നാട്, ഗുജറാത്ത്, ഉത്തര്‍പ്രദേശ് എന്നിവയാണ്.

മഹാരാഷ്ട്രയില്‍ ഇതുവരെ കൊറോണ രോഗം ബാധിച്ചവര്‍ 1,52,765 ആണ്. ഡല്‍ഹിയില്‍ 77,240-ഉം തമിഴ്‌നാട്ടില്‍ 74,622-ഉം ഗുജറാത്തില്‍ 30,158- ഉം ഉത്തര്‍പ്രദേശില്‍ 21,549-ഉം ആണ് രോഗബാധിതര്‍. മരിച്ചവരാകട്ടെ, മഹാരാഷ്ട്രയില്‍ 7,106-ഉം ഡല്‍ഹിയില്‍ 2,492-ഉം തമിഴ്‌നാട്ടില്‍ 957-ഉം ഗുജറാത്തില്‍ 1,772-ഉം ഉത്തര്‍പ്രദേശില്‍ 649-ഉം ആണ്.

27-06-2020 രാത്രി 11മണിയ്ക്കുള്ള കണക്കനുസരിച്ച് ലോകത്ത് കൊറോണ ബാധിതര്‍ ഒരു ലക്ഷത്തിനു മുകളിലായി. 10,000,453പേര്‍. 4,98953 പേര്‍ മരിച്ചു. 40,86,826 പേര്‍ ചികിത്സയിലുണ്ട്. ഏറ്റവും കൂടുതല്‍ രോഗികളുള്ളത് യു എസ് എ-യിലാണ് 25,77,924 പേര്‍. അടുത്ത സ്ഥാനം ബ്രസീലിനാണ്. 12,84,214 പേര്‍. മൂന്നാം സ്ഥാനം റഷ്യയ്ക്ക്. 6,27,646പേര്‍. നാലാം സ്ഥാനമാണ് ഇന്ത്യയ്ക്ക്. 5,29,331 പേര്‍ക്ക് ഇതുവരെ രോഗം ബാധിച്ചു. 16,103 പേര്‍ മരിച്ചു. 2,03,082 പേര്‍ ഇപ്പോള്‍ ചികിത്സയിലുണ്ട്.