തിരുവനന്തപുരം ഏപ്രിൽ 7: സംസ്ഥാനത്ത് ചൊവ്വാഴ്ച ഒമ്പത് പേര്ക്കു കൂടി കോവിഡ്-19 സ്ഥിരീകരിച്ചു. കൊറോണ അവലോകന യോഗത്തിനു ശേഷം മുഖ്യമന്ത്രി പിണറായി വിജയനാണ് തിരുവനന്തപുരത്ത് വാര്ത്താ സമ്മേളനത്തില് ഇക്കാര്യം വ്യക്തമാക്കിയത്. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 336 ആയി.
കാസര്കോട്ട് നാലുപേര്ക്കും കണ്ണൂരില് മൂന്നുപേര്ക്കും കൊല്ലം, മലപ്പുറം ജില്ലകളില് ഓരോരുത്തര്ക്കുമാണ് ഇന്ന് രോഗം സ്ഥിരീകരിച്ചത്. ഇതില് നാലുപേര് വിദേശത്തുനിന്നു വന്നവരാണ്. രണ്ടുപേര് നിസാമുദ്ദീനില്നിന്നു വന്നവരും മൂന്നുപേര്ക്ക് സമ്പര്ക്കം മൂലവുമാണ് രോഗം ബാധിച്ചത്.
12 പേര്ക്ക് ഇന്ന് പരിശോധനാഫലം നെഗറ്റീവായിട്ടുണ്ട്. കണ്ണൂര്-5, എറണാകുളം-4, തിരുവനന്തപുരം-1, ആലപ്പുഴ-1, കാസര്കോട്-1 എന്നിങ്ങനെയാണിത്.
