തിരുവനന്തപുരം ഫെബ്രുവരി 12: സംസ്ഥാന പോലീസ് മേധാവി ലോക്നാഥ് ബെഹ്റയ്ക്കെതിരെ സിഎജി റിപ്പോര്ട്ടില് ഗുരുതര പരാമര്ശങ്ങള്. പോലീസ് ക്വാര്ട്ടേഴ്സ് നിര്മ്മാണത്തിനുള്ള തുക വക മാറ്റിയെന്നും പോലീസില് കാറുകള് വാങ്ങിയതില് ക്രമക്കേടുണ്ടെന്നും റിപ്പോര്ട്ടില് പറയുന്നു. പോലീസ് ക്വാര്ട്ടേഴ്സ് നിര്മ്മിക്കുന്നതിനുള്ള തുകയില് 2.81 കോടി രൂപയാണ് വകമാറ്റിയത്. എസ്പിമാര്ക്കും എഡിജിപിമാര്ക്കും വില്ലകള് നിര്മ്മിക്കാനാണ് പണം വകമാറ്റിയത്.
പോലീസ് സ്റ്റേഷനുകളിലേക്ക് കാറുകള് വാങ്ങുന്നതുമായി ബന്ധപ്പെട്ട് വിതരണക്കാരെ നേരത്തെ കണ്ടെത്തി. മിത്ഷുബിഷി പജേറോ സ്പോര്ട്സ് വാഹനത്തിന്റെ വിതരണക്കാരില് നിന്ന് വസ്തുതാ വിവരങ്ങളും പ്രൊഫോര്മ ഇന്വോയിസും ശേഖരിച്ചു. ഡിജിപി ഇതിന് മുന്കൂര് അനുമതി വാങ്ങിയില്ല. തുറന്ന ദര്ഘാസ് നടത്താതിരിക്കാന് കാരണമായി പറയുന്ന സുരക്ഷാ പരിഗണനകള് സ്വീകാര്യമല്ലെന്ന് സിഎജി റിപ്പോര്ട്ട് വ്യക്തമാക്കുന്നു.
