തിരുവനന്തപുരം ഫെബ്രുവരി 7: സംസ്ഥാനത്തെ ആരോഗ്യ മേഖലയ്ക്കായി സുപ്രധാന പ്രഖ്യാപന ങ്ങളുമായി ധനമന്ത്രി ഡോ തോമസ് ഐസക്. പതിനായിരം നേഴ്സുമാര്ക്ക് വിദേശ ജോലി നേടാനായി ക്രാഷ് കോഴ്സ് നടത്തും. ഇതിനായി അഞ്ച് കോടി രൂപയാണ് വകയിരുത്തിയിരിക്കുന്നത്. മെഡിക്കല് സര്വ്വീസ് കോര്പ്പറേഷന് 50 കോടി രൂപ അനുവദിച്ചിട്ടുണ്ട്.
ആലപ്പുഴയില് ഓങ്കോളജി പാര്ക്ക് സ്ഥാപിക്കുമെന്നും അദ്ദേഹം അറിയിച്ചു. കേരള സ്റ്റേറ്റ് ഡ്രഗ്സ് ഫാര്മസ്യൂട്ടിക്കല്സ് മരുന്ന് ഉത്പാദനത്തിലേക്ക് കടക്കുകയാണ്. ക്യാന്സറിനുള്ള മരുന്നിന്റെ വില കുറയ്ക്കാനാകുമെന്നും മന്ത്രി പറഞ്ഞു.
