കോട്ടയം സെപ്റ്റംബര് 23: പാലയില് പതിനഞ്ച് ശതമാനത്തോളം ആളുകള് ഇത് വരെ വോട്ട് രേഖപ്പെടുത്തി. തിങ്കളാഴ്ച രാവിലെ ഏഴ് മണിക്ക് ആരംഭിച്ച വോട്ടിംഗ് സുഗമമായാണ് ആരംഭിച്ചത്. അഞ്ച് പതിറ്റാണ്ടിലേറെയായി നിയോജകമണ്ഡലം വഹിച്ചിരുന്ന മുന് ധനകാര്യമന്ത്രി കെഎം മാണിയുടെ വിയോഗത്തെ തുടര്ന്നാണ് പാലയില് ഉപതെരഞ്ഞെടുപ്പ് വീണ്ടും അനിവാര്യമായത്.
കേരള കോണ്ഗ്രസ്സ് നേതാവ് ജോസ് കെ മാണി എംപി, യുഡിഎഫ് സ്ഥാനാര്ത്ഥി ജോസ് ടോം പുളിക്കുന്നേല്, എല്ഡിഎഫ് സ്ഥാനാര്ത്ഥി മാണി സി കാപ്പന് എന്നിവര് വോട്ട് രേഖപ്പെടുത്തി. വോട്ടിംഗ് മെഷീനുകളുടെ പ്രവര്ത്തനം ശരിയായ രീതിയിലാണെന്ന് ഉറപ്പ് വരുത്തിയതിന് ശേഷമാണ് വോട്ടെടുപ്പ് ആരംഭിച്ചത്. എല്ഡിഎഫും യുഡിഎഫും തമ്മിലുള്ള മത്സരത്തിനാണ് നിയോജകമണ്ഡലം സാക്ഷ്യം വഹിക്കുന്നത്.
