തിരുവനന്തപുരം: കേന്ദ്രസര്ക്കാര് കൊണ്ടുവന്ന കാര്ഷിക നിയമഭേദഗതിക്കെതിരേ സംയുക്തപ്രമേയം പാസാക്കുന്നതിനായി ചേരാന് നിശ്ചയിച്ചിരുന്ന പ്രത്യേക നിയമസഭാ സമ്മേളനത്തിന് അനുമതി നിഷേധിച്ച സംഭവത്തില് സര്ക്കാര് നിലപാട് കടുപ്പിക്കുന്നു. ഇക്കാര്യത്തിലുള്ള സര്ക്കാരിന്റെ പ്രതിഷേധം രേഖപ്പെടുത്തി മുഖ്യമന്ത്രി പിണറായി വിജയന് ഗവര്ണര് ആരിഫ് മുഹമ്മദ് ഖാന് കത്തയച്ചു. ഗവര്ണറുടെ നടപടി ഭരണഘടനയ്ക്ക് നിരക്കാത്തതാണെന്ന് കത്തില് മുഖ്യമന്ത്രി കുറ്റപ്പെടുത്തി. മുഖ്യമന്ത്രി നിയമസഭ വിളിക്കുന്ന കാര്യത്തില് ഗവര്ണര്ക്ക് വിവേചനാധികാരമില്ല.
നിയമസഭയില് വ്യക്തമായ ഭൂരിപക്ഷമുള്ള സര്ക്കാരിന്റെ ശുപാര്ശ തള്ളിക്കളയാന് ഗവര്ണര്ക്ക് അധികാരമില്ലെന്നും മുഖ്യമന്ത്രി വ്യക്തമാക്കി.
