ചെന്നൈ: തമിഴ് ടെലിവിഷന് താരം ഹോട്ടല് മുറിയില് മരിച്ച നിലയില്. സീരിയല് താരം വി.ജെ ചിത്ര (29) യെയാണ് ഹോട്ടല് മുറിയില് തൂങ്ങി മരിച്ചനിലയില് കണ്ടെത്തിയത്.ജയ് ടിവി സംപ്രേക്ഷണം ചെയ്യുന്ന പാണ്ഡ്യന് സ്റ്റോര്സ് എന്ന സീരിയലിലെ മുല്ലൈ എന്ന കഥാപാത്രത്തിലൂടെ തമിഴ് പ്രേക്ഷകര്ക്കിടയില് ഏറെ ജനപ്രീതി നേടിയ സീരിയല് നടിയാണ് ചിത്ര. ആത്മഹത്യയാണെന്നാണ് പ്രാഥമിക നിഗമനം.
ഷൂട്ടിംഗ് കഴിഞ്ഞ് 9-12-2020 ബുധനാഴ്ച പുലര്ച്ചെ 2.30 നാണ് ചിത്ര ഹോട്ടല് മുറിയിലെത്തിയത്. സഹതാരം ഹേമന്തിനൊപ്പമാണ് ചിത്ര താമസിച്ചിരുന്നത്.
റൂമിലെത്തിയ ചിത്ര തനിക്ക് കുളിക്കണമെന്നും ഹേമന്തിനോടു പുറത്തേക്കു പോകണമെന്നും ആവശ്യപ്പെട്ടു. പിന്നീട് വാതിൽ തുറക്കാതായപ്പോൾ ഹോട്ടല് ജീവനക്കാരില്നിന്ന് മുറിയുടെ മറ്റൊരു താക്കോല് വാങ്ങി ഹേമന്ത് വാതില് തുറന്നു നോക്കിയപ്പോഴാണ് മുറിയിലെ ഫാനില് കെട്ടിത്തൂങ്ങിയ നിലയില് ചിത്രയെ കണ്ടെത്തിയത്.
ഉടന് തന്നെ ആശുപത്രിയില് എത്തിച്ചെങ്കിലും മരണപ്പെട്ടു.. സംഭവത്തില് നസ്രത്ത്പേട്ടൈ പോലീസ് അസ്വാഭാവിക മരണത്തിന് കേസെടുത്തു.
