തിരുവനന്തപുരം: ‘ബുറേവി’ ചുഴലിക്കാറ്റ് ശക്തി കുറഞ്ഞ് അതിതീവ്ര ന്യൂനമര്ദമായി (Deep Depression) ഡിസംബര് 4 ന് കേരളത്തില് പ്രവേശിക്കാനുള്ള സാധ്യതയുണ്ടെന്നും അതീവ ജാഗ്രത പാലിക്കണമെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ഇനിയൊരു അറിയിപ്പുണ്ടാകുന്നത് വരെ കേരള തീരത്ത് നിന്ന് കടലില് പോകുന്നത് പൂര്ണ്ണമായും നിരോധിച്ചിട്ടുണ്ട്. വിലക്ക് എല്ലാത്തരം മല്സ്യബന്ധന യാനങ്ങള്ക്കും ബാധകമായിരിക്കും. നിലവില് മല്സ്യബന്ധനത്തിലേര്പ്പെട്ടിരിക്കുന്നവര് എത്രയും പെട്ടെന്ന് തന്നെ ഏറ്റവും അടുത്തുള്ള സുരക്ഷിത തീരത്ത് എത്തിച്ചേരേണ്ടതാണ്. ചുഴലിക്കാറ്റിന്റെ വികാസവും സഞ്ചാരപഥവും വിലയിരുത്തി സംസ്ഥാന ദുരന്ത നിവാരണ അതോറിറ്റി അനുമതി നല്കുന്നത് വരെ കേരള തീരത്ത് നിന്ന് കടലില് പോകാന് അനുവദിക്കുന്നതല്ല.
ഡിസംബര് 3 മുതല് ഡിസംബര് 4 വരെയുള്ള ദിവസങ്ങളില് കേരളത്തില് പലയിടത്തും അതിശക്തമായ മഴ ലഭിക്കാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഡിസംബര് 3 ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് അതിതീവ്ര മഴ ലഭിക്കാനുള്ള സാധ്യതയും പ്രവചിക്കപ്പെട്ടിരുന്നു. ശക്തമായ കാറ്റിനും സാധ്യതയുണ്ട്. ആവശ്യമായ തയ്യാറെടുപ്പുകള് പൂര്ത്തീകരിക്കാന് സര്ക്കാര് സംവിധാനങ്ങള്ക്ക് ദുരന്ത നിവാരണ അതോറിറ്റി നിര്ദേശം നല്കിയിട്ടുണ്ട്. ചുഴലിക്കാറ്റിന്റെ വികാസവും സഞ്ചാരപഥവും കേന്ദ്ര കാലാവസ്ഥ വകുപ്പും സംസ്ഥാന ദുരന്ത നിവാരണ അതോറിറ്റിയും നിരീക്ഷിച്ചു വരികയാണ്.
ബന്ധപ്പെട്ട രേഖ: https://keralanews.gov.in/9326/Cyclone-Burevi.html
