ന്യൂഡൽഹി, 2026 ഒക്ടോബർ 26 –
ഡൽഹിയിലെ ജാമിയ മില്ലിയ ഇസ്ലാമിയ സർവകലാശാലയിൽ വിദ്യാർഥി യൂണിയൻ തിരഞ്ഞെടുപ്പ് നടത്താമെന്ന അധികൃതരുടെ ഉറപ്പ് തള്ളി പ്രതിഷേധം തുടരാൻ വിദ്യാർഥികളുടെ തീരുമാനം. വിദ്യാർഥി യൂണിയൻ പുനഃസ്ഥാപിക്കണമെന്നും തിരഞ്ഞെടുപ്പ് നടത്തണമെന്നും ആവശ്യപ്പെട്ട് ദിവസങ്ങളായി നടക്കുന്ന സമരത്തിനിടെയാണ് സർവകലാശാല അധികൃതർ പുതിയ ഉത്തരവിറക്കിയത്. യൂണിയന്റെ ഭരണഘടനയ്ക്ക് അംഗീകാരം ലഭിച്ച് 15 ദിവസത്തിനുള്ളിൽ തിരഞ്ഞെടുപ്പ് നടത്തുമെന്നാണ് ഒക്ടോബർ 26ന് പുറത്തിറക്കിയ ഉത്തരവിൽ പറയുന്നത്. എന്നാൽ ഭരണഘടനയ്ക്ക് എപ്പോൾ അംഗീകാരം നൽകുമെന്ന കാര്യത്തിൽ വ്യക്തതയില്ലെന്ന് ചൂണ്ടിക്കാട്ടിയാണ് വിദ്യാർഥികൾ ഉത്തരവ് തള്ളിയത്.
തിങ്കളാഴ്ച പുലർച്ചെ നാലരയോടെ സർവകലാശാല രജിസ്ട്രാർ പ്രൊഫസർ മുഹമ്മദ് മഹ്താബ് ആലം റിസ്‌വി പ്രതിഷേധിക്കുന്ന വിദ്യാർഥികളുമായി ചർച്ച നടത്തിയതായി വിദ്യാർഥി സംഘടന അറിയിച്ചു. ആവശ്യങ്ങൾ അംഗീകരിച്ചിട്ടുണ്ടെന്ന് വ്യക്തമാക്കി സമരം അവസാനിപ്പിക്കാൻ രജിസ്ട്രാർ ആവശ്യപ്പെട്ടു. പ്രതിഷേധത്തിൽ പങ്കെടുത്ത വിദ്യാർഥികൾക്കെതിരെ സ്വീകരിച്ച സസ്പെൻഷൻ നടപടികളും കാരണം കാണിക്കൽ നോട്ടീസുകളും പിൻവലിക്കാനും സുരക്ഷാ ജീവനക്കാരുടെ പെരുമാറ്റത്തെക്കുറിച്ച് അന്വേഷിക്കാൻ സമിതി രൂപീകരിക്കാനും ഉത്തരവിൽ തീരുമാനമുണ്ട്. എന്നാൽ തിരഞ്ഞെടുപ്പ് നടത്തുന്നതിനുള്ള കൃത്യമായ സമയക്രമം പ്രഖ്യാപിച്ചിട്ടില്ലെന്നും പ്രോക്ടർ രാജിവയ്ക്കണമെന്ന ആവശ്യം പരിഗണിച്ചിട്ടില്ലെന്നും വിദ്യാർഥികൾ ആരോപിച്ചു. വ്യക്തമായ തീരുമാനങ്ങളും രേഖാമൂലമുള്ള ഉറപ്പുകളും ലഭിക്കുന്നതുവരെ പ്രതിഷേധം തുടരുമെന്നാണ് ജമ്മു കശ്മീർ സ്റ്റുഡന്റ്സ് അസോസിയേഷൻ വ്യക്തമാക്കിയത്.
വിദ്യാർഥികളുടെ ജനാധിപത്യ അവകാശങ്ങളും സർവകലാശാലയിലെ തിരഞ്ഞെടുക്കപ്പെട്ട പ്രാതിനിധ്യവും ഉറപ്പാക്കണമെന്ന ആവശ്യമാണ് സമരത്തിന്റെ പ്രധാന കാരണം. വിദ്യാർഥികൾക്കെതിരായ അച്ചടക്ക നടപടികളും സുരക്ഷാ ജീവനക്കാരുടെ പെരുമാറ്റവും പ്രതിഷേധത്തിൽ ചർച്ചയായിരുന്നു. ഇതിനിടെ സമരകാലത്ത് സർവകലാശാല അധികൃതർക്കെതിരെ നടത്തിയതായി ആരോപിക്കപ്പെടുന്ന അപകീർത്തികരമായ പരാമർശങ്ങൾക്കും സമൂഹമാധ്യമ പോസ്റ്റുകൾക്കും വിദ്യാർഥികൾ വാർത്താസമ്മേളനം നടത്തി പരസ്യമായി മാപ്പുപറയണമെന്നും ബന്ധപ്പെട്ട പോസ്റ്റുകൾ ഉടൻ നീക്കം ചെയ്യണമെന്നും പുതിയ ഉത്തരവിൽ നിർദേശിച്ചിട്ടുണ്ട്. ഉത്തരവ് പുറത്തിറങ്ങിയതോടെ സമരം അവസാനിപ്പിക്കണമെന്നും സർവകലാശാല ആവശ്യപ്പെട്ടു. എന്നാൽ തിരഞ്ഞെടുപ്പിനുള്ള വ്യക്തമായ സമയക്രമവും മറ്റ് ആവശ്യങ്ങളിൽ രേഖാമൂലമുള്ള തീരുമാനവും ലഭിക്കാതെ സമരം അവസാനിപ്പിക്കില്ലെന്ന നിലപാടിലാണ് വിദ്യാർഥികൾ. സർവകലാശാലയുടെ പുതിയ ഉത്തരവിനെക്കുറിച്ച് മാധ്യമങ്ങൾ പ്രതികരണം തേടിയെങ്കിലും റിപ്പോർട്ട് തയ്യാറാക്കുന്നതുവരെ ഔദ്യോഗിക മറുപടി ലഭിച്ചിട്ടില്ല.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
