നാഗ്പുർ (മഹാരാഷ്ട്ര) 2026 ജൂലൈ 15
ഇന്ത്യയുടെ സർഗാത്മക സമ്പദ്വ്യവസ്ഥയ്ക്ക് ആവശ്യമായ നൈപുണ്യമുള്ള പുതിയ തലമുറയെ ഒരുക്കുന്നതിനായി പ്രസ് ഇൻഫർമേഷൻ ബ്യൂറോ നാഗ്പുരിൽ ഏകദിന മാധ്യമ ശിൽപ്പശാല സംഘടിപ്പിച്ചു. ‘ഇന്ത്യയുടെ സർഗാത്മക സമ്പദ്വ്യവസ്ഥയ്ക്കായി ഭാവിസജ്ജമായ തൊഴിൽശക്തിയെ സൃഷ്ടിക്കൽ’ എന്ന വിഷയത്തിലായിരുന്നു ‘വാർത്ത’ ശിൽപ്പശാല. ചിറ്റ്നാവിസ് സെന്ററിൽ നടന്ന പരിപാടിയിൽ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രിയേറ്റീവ് ടെക്നോളജി ഭരണസമിതി അംഗം ഡോ. ആശിഷ് കുൽക്കർണി മുഖ്യപ്രഭാഷണം നടത്തി. വാർത്താവിതരണ പ്രക്ഷേപണ മന്ത്രാലയത്തിന്റെ പശ്ചിമമേഖല ഡയറക്ടർ ജനറൽ സ്മിത വാട്സ് ശർമ അധ്യക്ഷയായി. മുതിർന്ന പത്രാധിപരും വിവിധ മാധ്യമസ്ഥാപനങ്ങളുടെ പ്രതിനിധികളും പങ്കെടുത്തു.
ആഗോള വിഹിതം 15 ശതമാനമാക്കുകയാണ് ലക്ഷ്യം
സിനിമാ പ്രവർത്തകരും ഡിജിറ്റൽ ഉള്ളടക്ക നിർമാതാക്കളും മറ്റു സർഗാത്മക മേഖലയിലെ വിദഗ്ധരും നിർമിക്കുന്ന പുതുമയുള്ള ഉള്ളടക്കമാണ് ആഗോള ഓറഞ്ച് സമ്പദ്വ്യവസ്ഥയിൽ ഇന്ത്യയുടെ സ്ഥാനം ശക്തമാക്കുന്നതെന്ന് ഡോ. ആശിഷ് കുൽക്കർണി പറഞ്ഞു. നിലവിൽ ആഗോള ഓറഞ്ച് സമ്പദ്വ്യവസ്ഥയിൽ ഇന്ത്യയുടെ പങ്ക് ഏകദേശം മൂന്ന് ശതമാനമാണ്. അടുത്ത പത്ത് വർഷത്തിനുള്ളിൽ ഇത് 12 മുതൽ 15 ശതമാനം വരെയാക്കി ഉയർത്താനാണ് രാജ്യം ലക്ഷ്യമിടുന്നത്. ഇതിന് വേണ്ടിയുള്ള പ്രവർത്തനങ്ങളാണ് ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രിയേറ്റീവ് ടെക്നോളജി നടത്തുന്നതെന്നും അദ്ദേഹം പറഞ്ഞു.
വിദ്യാർഥികൾക്ക് ചെറുപ്പത്തിലേ സർഗശേഷി പരിശീലനം
വിദ്യാർഥികളിൽ ചെറുപ്പം മുതൽ സർഗശേഷിയും തൊഴിൽനൈപുണ്യവും വളർത്തുന്നതിനായി ദേശീയ വിദ്യാഭ്യാസ ഗവേഷണ പരിശീലന കൗൺസിലുമായി ചേർന്ന് ‘കൗശൽ ബോധ്’ പാഠ്യപദ്ധതി ആരംഭിക്കുമെന്ന് ഡോ. കുൽക്കർണി അറിയിച്ചു. രാജ്യത്തെ 500 കോളേജുകളിലും 15,000 സ്കൂളുകളിലും അനിമേഷൻ, വിഷ്വൽ ഇഫക്ട്സ്, ഗെയിമിങ്, കോമിക്സ് മേഖലകളിലെ ഉള്ളടക്ക നിർമാതാക്കൾക്കായി പ്രത്യേക ലാബുകൾ സ്ഥാപിക്കാനുള്ള നിർദേശവും പരിഗണനയിലുണ്ട്.
മുംബൈയ്ക്ക് പുറത്തേക്കും നൈപുണ്യ കോഴ്സുകൾ
അനിമേഷൻ, വിഷ്വൽ ഇഫക്ട്സ്, ഗെയിമിങ്, കോമിക്സ്, വിപുലീകൃത യാഥാർഥ്യം എന്നീ മേഖലകൾക്കായുള്ള ദേശീയ മികവിന്റെ കേന്ദ്രമായി ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രിയേറ്റീവ് ടെക്നോളജി 2025 ജൂലൈ മുതൽ പ്രവർത്തിക്കുകയാണ്. മുംബൈയിലെ ദേശീയ ചലച്ചിത്ര വികസന കോർപ്പറേഷൻ സമുച്ചയത്തിലാണ് സ്ഥാപനം പ്രവർത്തിക്കുന്നത്. ഹബ് ആൻഡ് സ്പോക്ക് മാതൃകയിലൂടെ മുംബൈ ആസ്ഥാനത്തിന് പുറമേ പ്രാദേശിക കേന്ദ്രങ്ങളിലും അർധനഗര മേഖലകളിലും നൈപുണ്യാധിഷ്ഠിത കോഴ്സുകൾ ലഭ്യമാക്കാനാണ് പദ്ധതി.
ഇന്ത്യൻ കഥകൾ ഇനി ലോകവേദിയിൽ
ഇന്ത്യയുടെ സമ്പന്നമായ കഥപറച്ചിൽ പാരമ്പര്യവും തദ്ദേശീയ വിജ്ഞാന സംവിധാനങ്ങളും വിവിധ ഡിജിറ്റൽ വേദികളിലൂടെ ആഗോളതലത്തിൽ അവതരിപ്പിക്കപ്പെടുകയാണെന്ന് ഡോ. കുൽക്കർണി പറഞ്ഞു. സർഗാത്മക മേഖലയിലെ മാറിവരുന്ന ആവശ്യങ്ങൾ നിറവേറ്റുന്നതിനായി കേന്ദ്രസർക്കാരിന്റെ വിവിധ മന്ത്രാലയങ്ങളും സിനിമാ-സർഗാത്മക സ്ഥാപനങ്ങളും പ്രത്യേക കോഴ്സുകൾ തയ്യാറാക്കുകയാണ്. ഇതിലൂടെ നൈപുണ്യ വികസനത്തിനും തൊഴിൽശേഷി വർധിപ്പിക്കുന്നതിനും പുതിയ അവസരങ്ങൾ ലഭിക്കും. വാർത്താവിതരണ പ്രക്ഷേപണ മന്ത്രാലയത്തിന്റെ പദ്ധതികൾ സ്മിത വാട്സ് ശർമ വിശദീകരിച്ചു. പി.ഐ.ബി മുംബൈ ഡെപ്യൂട്ടി ഡയറക്ടർ ജയദേവി പൂജാരി സ്വാമി സ്വാഗതം പറഞ്ഞു. മീഡിയ ആൻഡ് കമ്മ്യൂണിക്കേഷൻ ഓഫീസർ സൗരഭ് ഖേകഡെ പരിപാടി നിയന്ത്രിച്ചു. അധികചുമതലയുള്ള മീഡിയ ആൻഡ് കമ്മ്യൂണിക്കേഷൻ ഓഫീസർ ധനഞ്ജയ് വാങ്കഡെ നന്ദി പറഞ്ഞു.
Disclaimer: The information published on Samadarsi.com is provided for general news, informational, educational, and public awareness purposes only. While every reasonable effort is made to ensure the accuracy, reliability, and timeliness of the content, Samadarsi Communication LLP does not guarantee that all published information is free from errors, omissions, or inaccuracies. The views and opinions expressed in opinion articles, guest columns, interviews, and reader comments are solely those of the respective authors and do not necessarily reflect the views of Samadarsi Communication LLP. Readers are encouraged to independently verify any information before making financial, legal, medical, political, or personal decisions based on the content published on this website. Samadarsi.com reserves the right to update, modify, correct, or remove any content at any time without prior notice. Any links to external websites are provided solely for the convenience of users, and we do not endorse or accept responsibility for the content, security, accuracy, or privacy practices of such third-party websites. All trademarks, logos, images, and other copyrighted materials appearing on this website remain the property of their respective owners.
