റ
നോവോസിബിർസ്ക്, 2026 ജൂൺ 15 –
റഷ്യൻ വ്യോമസേനയുടെ ടി യു-22എം3 ബോംബർ വിമാനം തകർന്നു വീണു. സൈബീരിയയിലെ ഇർകുത്സ്ക് മേഖലയിലാണ് തിങ്കളാഴ്ച അപകടമുണ്ടായത്. പരിശീലന പറക്കലിനിടെയുണ്ടായ സാങ്കേതിക തകരാറാണ് അപകടത്തിന് കാരണമെന്ന് റഷ്യൻ പ്രതിരോധ മന്ത്രാലയം അറിയിച്ചു.
നിയന്ത്രണം നഷ്ടപ്പെട്ട വിമാനം കുത്തനെ താഴേക്ക് പതിക്കുകയായിരുന്നു. അപകടത്തിന് പിന്നാലെ പ്രദേശത്ത് വലിയ തോതിൽ കറുത്ത പുക ഉയർന്നതായി ദൃക്സാക്ഷികൾ പറഞ്ഞു. ജനവാസമില്ലാത്ത മേഖലയിലായതിനാൽ നിലത്തുണ്ടായ നാശനഷ്ടങ്ങളെക്കുറിച്ച് വിവരങ്ങളില്ല.
അപകടസമയത്ത് വിമാനത്തിലുണ്ടായിരുന്ന നാല് ക്രൂ അംഗങ്ങളും സുരക്ഷിതമായി പുറത്തേക്ക് ചാടി രക്ഷപ്പെട്ടു. ഇവർക്ക് ഗുരുതര പരിക്കുകളില്ലെന്നാണ് പ്രാഥമിക വിവരം. സംഭവത്തിൽ റഷ്യൻ പ്രതിരോധ മന്ത്രാലയം അന്വേഷണം പ്രഖ്യാപിച്ചിട്ടുണ്ട്.
