കോതമംഗലം | കോതമംഗലത്തിന് സമീപം പൊങ്ങിന്ചുവടില് കാട്ടാന ആക്രമണത്തില് ഒരാള് കൊല്ലപ്പെട്ടു.ആദിവാസി വിഭാഗത്തില്പ്പെട്ട പുഷ്പാകരനാണ് മരിച്ചത്. ഇന്നലെ(24.05.2026) വൈകീട്ട് 3.30ന് ശേഷമാണ് അപകടമുണ്ടായത്. . കോതമംഗലത്ത് ഭൂതത്താന്കെട്ടിനും അപ്പുറത്ത് വച്ചായിരുന്നു ആക്രമണം. വനവിഭവങ്ങള് ശേഖരിക്കാന് പോയതായിരുന്നു. ഇടമലയാര് അണക്കെട്ടിന് അപ്പുറത്തുള്ള ആദിവാസി ഉന്നതി നിവാസിയാണ്
കാട്ടാന തുമ്പിക്കൈയില് ചുഴറ്റി എറിയുകയായിരുന്നു
.ഇദ്ദേഹത്തെ കാട്ടാന തുമ്പിക്കൈയില് ചുഴറ്റി എറിയുകയായിരുന്നുവെന്നാണ് വിവരം. ഗുരുതരമായി പരുക്കേറ്റ പുഷ്പാകരനെ കൂടെയുണ്ടായിരുന്നവര് ആശുപത്രിയിലേക്ക് കൊണ്ടുപോകുന്നതിനിടെ വഴിമധ്യേ മരിച്ചു. മൃതദേഹം കോതമംഗലം താലൂക്ക് ആശുപത്രിയില് സൂക്ഷിച്ചിരിക്കുകയാണ്. പുഷ്പാകരന്റെ കൈകാലുകള് ഒടിഞ്ഞ നിലയിലായിരുന്നുവെന്നാണ് ദൃക്സാക്ഷികള് പറയുന്നത്. വനവിഭവങ്ങള് ശേഖരിക്കലും അണക്കെട്ടില് നിന്ന് മീന് പിടിക്കലുമാണ് ഈ ആദിവാസി ഉന്നതിയിലുള്ളവരുടെ പ്രധാന വരുമാന മാര്ഗം.
