ഗോതൻബർഗ്: പ്രധാനമന്ത്രി നരേന്ദ്ര മോദി സ്വീഡൻ പ്രധാനമന്ത്രി ഉൾഫ് ക്രിസ്റ്റേഴ്സണുമായി കൂടിക്കാഴ്ച നടത്തി. വ്യാപാരം, സാങ്കേതികവിദ്യ, പ്രതിരോധം ഉൾപ്പെടെയുള്ള മേഖലകളിലെ സഹകരണം ശക്തിപ്പെടുത്തുന്നതുമായി ബന്ധപ്പെട്ട വിഷയങ്ങളാണ് ചർച്ചയായത്.
റോയൽ ഓർഡർ ഓഫ് പോളാർ സ്റ്റാർ ബഹുമതി
സ്വീഡന്റെ പരമോന്നത ബഹുമതികളിലൊന്നായ ‘റോയൽ ഓർഡർ ഓഫ് പോളാർ സ്റ്റാർ’ പ്രധാനമന്ത്രി മോദി ഏറ്റുവാങ്ങി. രണ്ടുദിവസത്തെ ഔദ്യോഗിക സന്ദർശനത്തിനായാണ് അദ്ദേഹം സ്വീഡനിലെത്തിയത്.
ഗോതൻബർഗ് വിമാനത്താവളത്തിൽ സ്വീഡിഷ് പ്രധാനമന്ത്രി ഉൽഫ് ക്രിസ്റ്റേഴ്സൺ മോദിയെ സ്വീകരിച്ചു. 2025-ൽ ഇന്ത്യ-സ്വീഡൻ ഉഭയകക്ഷി വ്യാപാരം 775 കോടി ഡോളറിലെത്തിയതായി ഔദ്യോഗിക കണക്ക് വ്യക്തമാക്കുന്നു.
ഇന്ത്യൻ സമൂഹാംഗങ്ങളുമായി കൂടി കാഴ്ച
സ്വീഡനിലെത്തിയ ഉടൻ ഇന്ത്യൻ സമൂഹാംഗങ്ങളുമായി പ്രധാനമന്ത്രി കൂടിക്കാഴ്ച നടത്തി. 2018ന് ശേഷം ഒരു ഇന്ത്യൻ പ്രധാനമന്ത്രി നടത്തുന്ന ആദ്യ സ്വീഡൻ സന്ദർശനമാണിത്..
