ഗാസ : തെക്കന് ഗാസ മുനമ്പിലെ ഖാന് യൂനിസില് ആയുധസംഭരണ കേന്ദ്രത്തെ ലക്ഷ്യമാക്കി നടത്തിയ വ്യോമാക്രമണത്തിൽ ഹമാസ് നേതാവ് നാസ്സര് മൂസ കൊല്ലപ്പെട്ടതായി ഇസ്രായേൽ . ഈ മാസം ഒന്പതിനാണ് മൂസ ഖാന് കൊല്ലപ്പെട്ടത്. ഗാസയുടെ നിയന്ത്രണം ഏറ്റെടുക്കാനുള്ള പദ്ധതിക്ക് ഇസ്രായേല് മന്ത്രിസഭ അംഗീകാരം നല്കിയതിന് ദിവസങ്ങള്ക്ക് ശേഷമാണ് ഹമാസിന്റെ പ്രധാന നേതാക്കളിലൊരാള് കൂടി കൊല്ലപ്പെട്ടത്. ഹമാസ് റോക്കറ്റുകള് സൂക്ഷിക്കാന് ഉപയോഗിച്ചിരുന്ന ഖാന് യൂനിസിലെ കെട്ടിടവും ഇസ്രയേല് തകര്ത്തു
. ആക്രമണത്തിന്റെ ദൃശ്യങ്ങള് ഐഡിഎഫ് പുറത്തുവിട്ടു. 2025 മെയ് മാസത്തില് കൊല്ലപ്പെട്ട റഫ ബ്രിഗേഡിന്റെ കമാന്ഡറായിരുന്ന മുഹമ്മദ് ഷബാനയുടെ അടുത്ത അനുയായിയായിരുന്നു നാസര് മൂസ. ബ്രിഗേഡിലെ രഹസ്യന്വേഷണ മേധവിയായും നിരീക്ഷണ സംവിധാനത്തിന്റെ തലവനായും പ്രവര്ത്തിച്ചിട്ടുണ്ട്
