ഹൈദരാബാദ് | മലപ്പുറം കൂരിയാട് നിര്മാണത്തിലിരുന്ന ദേശീയ പാത തകരാന് കാരണം മണ്ണിന്റെ കുഴപ്പം മൂലമെന്ന് കരാറുകാരായ കെഎന്ആര് കണ്സ്ട്രക്ഷന്സ്. റോഡ് തകര്ന്നതിന്റെ ഉത്തരവാദിത്തം ഏറ്റെടുക്കുകയാണെന്നും ആവശ്യമെങ്കില് അവിടെ പാലം നിര്മിക്കാന് പോലും തയ്യാറാണെന്നും കെഎന്ആര് കണ്സ്ട്രക്ഷന്സ് കമ്പനി എക്സിക്യൂട്ടീവ് ഡയറക്ടര് ജലന്ധര് റെഡ്ഡി പറഞ്ഞു അശാസ്ത്രീയമായ റോഡ് നിര്മ്മാണമാണ് ദേശീയപാതയുടെ തകര്ച്ചയ്ക്ക് കാരണമെന്ന ആരോപണം ദേശീയപാത പ്രോജക്ട് ഡയറക്ടര് അന്ഷുല് ശര്മ്മ തള്ളി.റോഡ് നിര്മ്മിച്ച നെല്വയല് വികസിച്ചതും, ദേശീയപാതയ്ക്ക് വിള്ളല് വീഴാനും, ഇടിഞ്ഞ് വീഴാനും കാരണമായിയെന്ന് അന്ഷുല് ശര്മ്മ പറഞ്ഞു.
എത്രയും വേഗം പുനഃസ്ഥാപിക്കുന്നതിനുള്ള എല്ലാ ശ്രമങ്ങളും നടത്തിവരികയാണ്.
അധികൃതരുടെ നിര്ദേശങ്ങള് കമ്പനി കര്ശനമായി പാലിക്കും. പ്രദേശത്തെ ഭൂഗര്ഭ സാഹചര്യങ്ങളും ഉയര്ന്ന ജലവിതാനവും തകര്ച്ചക്ക് കാരണമായി. വാഹനങ്ങള്ക്ക് സഞ്ചരിക്കാനുള്ള അണ്ടര്പാസ് അപ്രോച്ച് റാമ്പുകളിലൊന്ന് ഇടിഞ്ഞുവീണു. ഇതോടെ സര്വീസ് റോഡും തകര്ന്നു. പ്രധാനപാതയുടെ ഇരുവശത്തുമുള്ള സര്വീസ് റോഡ് എത്രയും വേഗം പുനഃസ്ഥാപിക്കുന്നതിനുള്ള എല്ലാ ശ്രമങ്ങളും നടത്തിവരികയാണെന്നും ജലന്ധര് റെഡ്ഡി പറഞ്ഞു . .കൂരിയാട് ദേശീയപാത തകര്ന്നതിന് പിന്നാലെ കെഎന്ആര് കണ്സ്ട്രക്ഷന്സ് കമ്പനിയെ കേന്ദ്രസര്ക്കാര് ഡീബാര് ചെയ്തിരിക്കുകയാണ്..
