അബൂദബി | ഫ്രാന്സിസ് മാര്പാപ്പയുടെ മൃതസംസ്കാര ചടങ്ങില് യു എ ഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാനെ പ്രതിനിധീകരിച്ച് അബുദബി കിരീടാവകാശി ശൈഖ് ഖാലിദ് ബിന് മുഹമ്മദ് ബിന് സായിദ് അല് നഹ്യാന് പങ്കെടുത്തു. .ശൈഖ് ഖാലിദിനൊപ്പം യു എ ഇ സഹിഷ്ണുതാ- സഹവര്ത്തിത്വ മന്ത്രി ശൈഖ് നഹ്യാന് ബിന് മുബാറക് അല് നഹ്യാന്,അബൂദബി എക്സിക്യൂട്ടീവ് കൗണ്സില് സെക്രട്ടറി ജനറലും കിരീടാവകാശിയുടെ ഓഫീസ് ചെയര്മാനുമായ സൈഫ് സഈദ് ഗോബാശ്, അബുദബി മീഡിയ ഓഫീസ് ചെയര്പേഴ്സണ് മറിയം ഈദ് അല് മുഹൈരി എന്നിവരും ഉണ്ടായിരുന്നു..
യു എ ഇ പ്രസിഡന്റിന്റെ അനുശോചനം ഹോളി റോമന് സഭയുടെ കാമര്ലെംഗോ കര്ദിനാള് കെവിന് ഫാരലിനും കര്ദിനാള് കോളജ് ഡീന് കര്ദിനാള് ജിയോവാനി ബാറ്റിസ്റ്റ റീക്കും ശൈഖ് ഖാലിദ് അറിയിച്ചു. ഫ്രാന്സിസ് മാര്പാപ്പയുടെ വിയോഗത്തില് കര്ദിനാള് കോളജിനും പരിശുദ്ധ സിംഹാസനത്തിനും ആഗോള കത്തോലിക്കാ സമൂഹത്തിനും അനുശോചനം രേഖപ്പെടുത്തി. .
