ന്യൂഡല്ഹി: ഒഡീഷയിലെ ബാലസോറിലുണ്ടായ ട്രെയിന് അപകടത്തില് ഞെട്ടലും വേദനയും രേഖപ്പെടുത്തി രാഷട്രപതിയും പ്രധാനമന്ത്രിയും. അപകടത്തില് ജീവനുകള് നഷ്ടമായത് അറിഞ്ഞപ്പോള് ഏറെ വേദനയുണ്ടായതായി രാഷ്ട്രപതി ദ്രൗപതി മുര്മു പറഞ്ഞു. രക്ഷാ പ്രവര്ത്തനം വിജയിക്കുന്നതിനും പരുക്കേറ്റവര് വേഗത്തില് സുഖം പ്രാപിക്കുന്നതിനും പ്രാര്ഥിക്കുന്നതായും രാഷ്ട്രപതി പറഞ്ഞു
അപകടത്തില് നടുക്കം രേഖപ്പെടുത്തിയ പ്രധാനമന്ത്രി നരേന്ദ്ര മോദി തന്റെ ചിന്ത ദു:ഖിതരായ കുടുംബാംഗങ്ങള്ക്ക് ഒപ്പമാണെന്നും പറഞ്ഞു. റെയില്വെ മന്ത്രിയുമായി സംസാരിച്ചുവെന്നും രക്ഷാപ്രവര്ത്തനം പുരോഗമിക്കുകയാണെന്നും പ്രധാനമന്ത്രി പറഞ്ഞു. ദുരിത ബാധിതര്ക്ക് സാധ്യമായ എല്ലാ സഹായവും നല്കുമെന്നും അദ്ദേഹം കൂട്ടിച്ചേര്ത്തു.
നടുക്കവും ദു:ഖവും രേഖപ്പെടുത്തി രാഷ്ട്രപതിയും പ്രധാനമന്ത്രിയും
