കൊച്ചി: നവാഗതനായ മനോജ് വാസുദേവ് സംവിധാനം ചെയ്ത് അര്ജുന് അശോകന്, ഷറഫുദ്ദീന്, ശ്രീനാഥ് ഭാസി എന്നിവര് കേന്ദ്ര കഥാപാത്രങ്ങളായി എത്തുന്ന ചിത്രമാണ് ഖജുരാഹോ ഡ്രീംസ്. റോഡ് മൂവിയായ ഖജുരാഹോ ഡ്രീംസിന്റെ ഫസ്റ്റ് ലുക്ക് പോസ്റ്റര് അണിയറ പ്രവർത്തകർ പുറത്തു വിട്ടു.
ഒരിടവേളയ്ക്ക് ശേഷമാണ് മലയാളത്തില് വീണ്ടും ഒരു റോഡ് മൂവിയെത്തുന്നത്. കോമഡി പശ്ചാത്തലത്തിലൂടെ കഥ പറയുന്ന ഈ മള്ട്ടി സ്റ്റാര് ചിത്രത്തില് ശക്തമായൊരു സാമൂഹിക പ്രശ്നം കൂടി ചര്ച്ച ചെയ്യുന്നുണ്ട്. ധ്രുവന്, അതിഥി രവി എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. സൗഹൃദത്തിന്റെ കൂടി കഥയാണ് ചിത്രം പറയുന്നത്. അഞ്ച് സുഹൃത്തുക്കളുടെ ആത്മബന്ധവും ഇവര് നടത്തുന്ന റോഡ് ട്രിപ്പുമാണ് ചിത്രത്തിന്റെ പ്രധാന പശ്ചാത്തലമാവുന്നത്.
ഗുഡ് ലൈന് പ്രൊഡക്ഷന്സിന്റെ ബാനറില് എം.കെ. നാസറാണ് ചിത്രം നിര്മ്മിക്കുന്നത്. സച്ചി – സേതു കൂട്ടുകെട്ടിലെ സേതുവിന്റെതാണ് ചിത്രത്തിന്റെ തിരക്കഥ. സുപ്പര് ഹിറ്റ് ഗാനങ്ങളിലൂടെ മലയാളികളുടെ ഹൃദയം കവര്ന്ന ഗോപിസുന്ദറാണ് ചിത്രത്തിന്റെ സംഗീതവും പശ്ചാത്തലസംഗീതവും നിര്വഹിക്കുന്നത്. ബോളിവുഡ് താരം രാജ് അര്ജുന്, ജോണി ആന്റണി, ചന്തുനാഥ്, സോഹന് സീനുലാല്, സാദിഖ്, വര്ഷാ വിശ്വനാഥ്, നൈന സര്വ്വാര്, രക്ഷ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.
പ്രദീപ് നായര് ഛായാഗ്രഹണവും ലിജോ പോള് എഡിറ്റിംഗപം നിര്വ്വഹിക്കുന്നു. ഹരിനാരായണന്റെതാണ് വരികള്. കലാസംവിധാനം – മോഹന് ദാസ്, മേക്കപ്പ് – കോസ്റ്റ്യൂം ഡിസൈന് – അരുണ് മനോഹര്, പ്രൊഡക്ഷന് എക്സിക്യൂട്ടീവ് – പ്രതാപന് കല്ലിയൂര്, സിന്ജോ ഒറ്റത്തൈക്കല്, പ്രൊഡക്ഷന് കണ്ട്രോളര് – ബാദുഷ, പി.ആര്.ഒ – ആതിര ദില്ജിത്ത്, ഫോട്ടോ – ശ്രീജിത്ത് ചെട്ടിപ്പിടി എന്നിവർ നിർവ്വഹിക്കുന്നു.
സിനിമയില് ഇതുവരെ കാണാത്ത ലൊക്കേഷനുകളിലാണ് ചിത്രം ഒരുക്കിയിരിക്കുന്നത്. മദ്ധ്യപ്രദേശിലെ പ്രസിദ്ധമായ ഖജുരാഹോ ക്ഷേത്രവും ചിത്രത്തിലെ സുപ്രധാന ലൊക്കേഷനുകളില് ഒന്നാണ്.
