ന്യൂഡല്ഹി: ദ്രൗപതി മുര്മു അല്ലെങ്കില് യശ്വന്ത് സിന്ഹ ഇന്ത്യയുടെ അടുത്ത രാഷ്ട്രപതി ആരാകുമെന്ന് ഉടന് അറിയാം. രാഷ്ട്രപതി തിരെഞ്ഞടുപ്പിന്റെ വോട്ടെണ്ണല് പാര്ലിമെന്റില് ആരംഭിച്ചു. വൈകുന്നേരത്തോടെ ഫലം അറിയാം.
വോട്ടെണ്ണലിന്റെ നടപടിക്രമങ്ങള് ഇങ്ങനെ
- ആദ്യം റിട്ടേണിംഗ് ഓഫീസര്മാര് വോട്ടുകള് തരംതിരിച്ച് പരിശോധിക്കും.
- എംപിമാര് പച്ച പേന ഉപയോഗിച്ചും എം എല് ഇമാര് പിങ്ക് നിറമുള്ള പേന ഉപയോഗിച്ചും ബാലറ്റ് പേപ്പറുകളില് സ്ഥാനാര്ത്ഥികള്ക്കുള്ള മുന്ഗണനാ ക്രമം എഴുതിയിട്ടുണ്ട്.
- രണ്ട് ട്രേകളുണ്ടാകും ഒന്ന് ദ്രൗപതി മുര്മുവിനും മറ്റൊന്ന് യശ്വന്ത് സിന്ഹയ്ക്കും.
- ആദ്യം എംഎല്എമാരുടെ ബാലറ്റ് പേപ്പറുകളും പിന്നീട് എംപിമാരുടെയും ബാലറ്റ് പേപ്പറുകളും പരിശോധിക്കും.
- മുര്മുവിന്റെ പേര് ആദ്യം ലിസ്റ്റ് ചെയ്യുന്ന പേപ്പറുകള് അവരുടെ ട്രേയിലും സിന്ഹയുടേത് അദ്ദേഹത്തിന്റെ ട്രേയിലും നിക്ഷേപിക്കും.
- ഒരു എംപിയുടെ വോട്ടുകളുടെ മൂല്യം 700 ണ്. അതേസമയം ഒരു എംഎല്എയുടെ വോട്ടിന്റെ മൂല്യം അവരുടെ സംസ്ഥാനത്തെ ജനസംഖ്യയെ ആശ്രയിച്ചിരിക്കുന്നു.
- ക്രമപ്പെടുത്തല് പൂര്ത്തിയായ ശേഷം വോട്ടെണ്ണല് ആരംഭിക്കും.
- പാര്ലമെന്റ് ഹൗസിന്റെ റൂം നമ്പര് 73-ന് പുറത്ത് മീഡിയ സ്റ്റാന്ഡ് സ്ഥാപിച്ചിട്ടുണ്ട്. വോട്ടെണ്ണല് ആരംഭിച്ചാല് ട്രെന്ഡുകള് അവിടെ അറിയിക്കും.
രാഷ്ട്രപതി തിരഞ്ഞെടുപ്പിലെ വിജയി ഏറ്റവും കൂടുതല് വോട്ട് നേടുന്ന സ്ഥാനാര്ത്ഥിയല്ല, ഒരു നിശ്ചിത ക്വാട്ടയേക്കാള് കൂടുതല് വോട്ട് നേടുന്നയാളാണ്. ഓരോ സ്ഥാനാര്ത്ഥിക്കും പോള് ചെയ്ത വോട്ടുകള് ചേര്ത്ത് തുകയെ രണ്ടായി ഹരിച്ച് അതില് ‘1’ ചേര്ത്താണ് ക്വാട്ട നിര്ണ്ണയിക്കുന്നത്. ഈ മൂല്യത്തേക്കാള് കൂടുതല് വോട്ട് നേടുന്ന സ്ഥാനാര്ത്ഥിയായിരിക്കും വിജയി. വൈകുന്നേരത്തോടെ ഫലം പ്രഖ്യാപിക്കും.
