ന്യൂഡല്ഹി: ലൈഫ് മിഷന് കേസ് ഇന്ന് സുപ്രീം കോടതി പരിഗണിക്കും. സിബിഐ അന്വേഷണത്തിനെതിരായി കേരളം നല്കിയ ഹര്ജിയാണ് കോടതി പരിഗണിക്കുന്നത്. എന്നാല് കേസ് നീട്ടി വെക്കണമെന്ന് ആവശ്യപ്പെട്ട് സര്ക്കാര് കോടതിയില് അപേക്ഷ നല്കിയിട്ടുണ്ട്. അഭിഭാഷകന് സുഖമില്ലെന്ന് ചൂണ്ടിക്കാട്ടിയാണ് കേസ് പരിഗണിക്കുന്നത് നീട്ടണമെന്ന അപേക്ഷ നല്കിയത്.രണ്ടാഴ്ചത്തേക്ക് എങ്കിലും മാറ്റണമെന്നാണ് ആവശ്യം.ലൈഫ് മിഷന് കേസില് സിബിഐ അന്വേഷണം തുടരാമെന്ന് ഹൈക്കോടതി ഉത്തരവിട്ടതിന് പിന്നാലെയാണ് സര്ക്കാര് സുപ്രീംകോടതിയെ സമീപിച്ചത്. ലൈഫ് മിഷന് കേസിലെ സിബിഐ അന്വേഷണം ഫെഡറല് തത്വങ്ങളുടെ ലംഘനമെന്നാണ് സംസ്ഥാന സര്ക്കാരിന്റെ നിലപാട്.അതേസമയം ലൈഫ് പദ്ധതിയുമായി ബന്ധപ്പെട്ട സാമ്പത്തിക ഇടപാടില് അന്താരാഷ്ട്ര ഗൂഢാലോചന സിബിഐ ആരോപിക്കുന്നു. ഉന്നത സര്ക്കാര് ഉദ്യോഗസ്ഥര് കൈക്കൂലി വാങ്ങിയെന്നും സി ബി ആ കോടതയില് വെളിപ്പെടുത്തിയിട്ടുണ്ട്
ലൈഫ് മിഷന് കേസ് നീട്ടണമെന്ന് സര്ക്കാര്: ഹര്ജി ഇന്ന് സുപ്രീം കോടതി പരിഗണിക്കും
