രാജ്യാഭിമാനം വാനോളമുയർത്തി ബേപ്പൂരിന്റെ മണൽപരപ്പിൽ നാവികസേനയുടെ സംഗീത വിരുന്ന്. ബേപ്പൂർ വാട്ടർ ഫെസ്റ്റിനോടനുബന്ധിച്ചു നടന്ന മ്യുസിക്ക് ബാന്റിൽ ഏഴിമല ഇന്ത്യൻ നേവൽ അക്കാദമിയിൽ നിന്നുള്ള 20 പേരടങ്ങിയ നാവിക സേന സംഘമാണ് സംഗീതത്തിന്റെ ഹരം പകർന്നത്.
ഔദ്യോഗിക യൂണിഫോമിലെത്തിയ സേനാംഗങ്ങൾ സംഗീതോപകരങ്ങളും വിവിധ ഗാനങ്ങളും അവതരിപ്പിച്ചതോടെ കാഴ്ചക്കാരിൽ ആവേശം നിറഞ്ഞു. രാജ്യാഭിമാനം സ്ഫുരിക്കുന്ന ദേശഭക്തി ഗാനങ്ങളും പ്രമുഖ മലയാളം, ഹിന്ദി സിനിമാ ഗാനങ്ങളും ബാന്റ് മേളവുമാണ് വേദിയിൽ ഒരുക്കിയിരുന്നത്.
