തിരുവനന്തപുരം: തെക്കു കിഴക്കന് അറബിക്കടലിലും കേരള തീരത്തും ഓഗസ്റ്റ് 09 മണിക്കൂറില് 40 മുതല് 50 കി.മീ. വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് മത്സ്യത്തൊഴിലാളികള് കടലില് പോകരുതെന്നു ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു.
തെക്കു പടിഞ്ഞാറന്, മധ്യ പടിഞ്ഞാറന് അറബിക്കടലില് ഓഗസ്റ്റ് 09, 10 തിയ്യതികളിൽ മണിക്കൂറില് 50 മുതല് 60 കി.മീ വരെയും ചില അവസരങ്ങളില് 70 കി.മീ വരെയും വേഗതയില് വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ട്. തെക്ക്-പടിഞ്ഞാറന്, മധ്യ- പടിഞ്ഞാറന്, വടക്ക് അറബിക്കടല് എന്നീ സമുദ്രഭാഗങ്ങളില് ഓഗസ്റ്റ് 11 മുതല് 13 വരെ മണിക്കൂറില് 50 മുതല് 60 കി.മീ വരെയും ചില അവസരങ്ങളില് 70 കി.മീ വരെയും വേഗതയില് വീശിയടിച്ചേക്കാവുന്ന ശക്തമായ കാറ്റിനും ഗള്ഫ് ഓഫ് മാന്നാര്, തെക്ക്-പടിഞ്ഞാറന് ബംഗാള് ഉള്ക്കടലില്, ശ്രീലങ്കയുടെ തെക്ക്- കിഴക്കന് തീരങ്ങള് എന്നിവിടങ്ങളില് ഓഗസ്റ്റ് 09, 10 തിയ്യതികളിൽ മണിക്കൂറില് 35 മുതല് 45 കി.മീ. വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചിട്ടുള്ളതിനാല് ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിനു പോകരുതെന്നും കളക്ടര് അറിയിച്ചു.
