തിരുവനന്തപുരം: ലക്ഷദ്വീപ് സന്ദര്ശിക്കാന് സി.പി.ഐ.എം എം.പിമാര് നല്കിയ അപേക്ഷ തള്ളി ദ്വീപ് അഡ്മിനിസ്ട്രേഷന്. കൊവിഡ് സാഹചര്യം ചൂണ്ടിക്കാട്ടിയാണ് 30/05/21 ഞായറാഴ്ച അനുമതി നിഷേധിച്ചത്.
വി.ശിവദാസന്, എ.എം ആരിഫ്, എളമരം കരീം എന്നീ എം.പിമാരാണ് ദ്വീപ് സന്ദര്ശിക്കാന് അപേക്ഷ നല്കിയത്. സന്ദര്ശനം മുടക്കാന് അഡ്മിനിസ്ടേഷന് മനപ്പൂര്വം ശ്രമിക്കുകയാണെന്ന് എളമരം കരീം പറഞ്ഞു. ദ്വീപിലെ യഥാര്ത്ഥ വസ്തുത ജനം അറിയുമെന്ന ആശങ്കയാണ് ഭരണകൂടത്തിനെന്നും അദ്ദേഹം പറഞ്ഞു. നേരത്തെ എ.ഐ.സി.സി സംഘത്തിനും ലക്ഷദ്വീപ് സന്ദര്ശിക്കാന് അധികൃതര് അനുമതി നല്കിയില്ല. കൊവിഡ് കാരണങ്ങള് പറഞ്ഞാണ് അനുമതി നിഷേധിച്ചത്.
