തൃശൂർ: ബ്ലാക്ക് ഫംഗസുമായി ബന്ധപ്പെട്ട് തൃശൂർ ജില്ലയിൽ പുതിയ മൂന്ന് കേസുകൾ കൂടി 25/05/21 ചൊവ്വാഴ്ച റിപ്പോർട്ട് ചെയ്തു. രോഗം സ്ഥിരീകരിച്ചവരിൽ ഒരാൾ കോഴിക്കോട് സ്വദേശിയാണ്. രണ്ട് പേർ തൃശൂർ സ്വദേശികളും. തൃശൂർ ജില്ലയിൽ ബ്ലാക്ക് ഫംഗസ് ബാധയേറ്റ് ആകെ ചികിത്സയിലുള്ളത് അഞ്ച് പേരാണ്. ഇതിൽ രണ്ട് പേർ പാലക്കാട് ജില്ലക്കാരാണ്. മൂന്ന് പേർക്ക് കൂടി ലക്ഷണങ്ങൾ റിപ്പോർട്ട് ചെയ്തിട്ടുണ്ട്.
അതേസമയം, ആരോഗ്യ വകുപ്പിനെ അറിയിക്കേണ്ട രോഗങ്ങളിൽ ബ്ലാക്ക് ഫംഗസും ഉൾപ്പെടുത്തിയിട്ടുണ്ട്.. ബ്ലാക്ക് ഫംഗസോ, അതിന്റെ ലക്ഷണങ്ങളോ കണ്ടാൽ ഉടൻ ആരോഗ്യ വകുപ്പിനെ അറിയിക്കണമെന്ന് മുഖ്യമന്ത്രി പിണറായി വിജയൻ ചൊവ്വാഴ്ച വ്യക്തമാക്കി.
ബ്ലാക്ക് ഫംഗസിന് പ്രോട്ടോക്കോൾ രൂപീകരിക്കുമെന്നും മുഖ്യമന്ത്രി വ്യക്തമാക്കി.
സംസ്ഥാനത്ത് ബ്ലാക്ക് ഫംഗസ് രോഗികളുടെ എണ്ണം വർധിക്കുന്ന സാഹചര്യത്തിലാണ് പുതിയ തീരുമാനം.
