തിരുവനന്തപുരം: വിഴിഞ്ഞം ബോട്ടപകടത്തിൽ കാണാതായ ഒരാളുടെ മൃതദേഹം കണ്ടെത്തി. മത്സ്യത്തൊഴിലാളിയായ ഡേവിഡ്സണിന്റെ മൃതദേഹമാണ് അടിമലത്തുറയിൽ നിന്നും 26/05/21 ബുധനാഴ്ച കണ്ടെത്തിയത്. രണ്ട് പേർക്കായി തിരച്ചിൽ തുടരുകയാണ് . അപകടത്തിൽപ്പെട്ട ബോട്ടിലുണ്ടായിരുന്ന ഏഴ് പേരെ രക്ഷപ്പെടുത്തി. തീരദേശമേഖലയിൽ വൻ കടൽക്ഷോഭം തുടരുകയാണ്.
പൂന്തുറയിൽ നിന്ന് മത്സ്യബന്ധനത്തിന് പോയ ബോട്ടാണ് അപകടത്തിൽപ്പെട്ടത്. പത്ത് പേരെയാണ് കാണാതായത്. ഇവരിൽ ഏഴ് പേരെ കോസ്റ്റ് ഗാർഡ് രക്ഷപ്പെടുത്തി. മന്ത്രിമാരായ സജി ചെറിയാനും ആന്റണി രാജുവും വിഴിഞ്ഞത്ത് മത്സ്യത്തൊഴിലാളികളെ സന്ദർശിക്കാൻ എത്തി. കോസ്റ്റ്ഗാർഡിന്റെ രണ്ട് കപ്പലുകൾ ഉൾക്കടലിൽ തിരച്ചിൽ നടത്തുന്നുണ്ടെന്ന് മന്ത്രി ആന്റണി രാജു അറിയിച്ചു.
