ജില്ലയില് കോവിഡ് മാനദണ്ഡങ്ങള് ഉറപ്പാക്കുന്നതിനായി സെക്ടറല് മജിസ്ട്രേറ്റുമാര് ഏപ്രില് 29ന് നടത്തിയ പരിശോധനയില് 620 ലംഘനങ്ങളാണ് കണ്ടെത്തിയത്. സെക്ടറല് മജിസ്ട്രേറ്റുമാരെ ചുമതലപ്പെടുത്തിയിട്ടുള്ള പഞ്ചായത്ത്/ നഗരസഭാ പരിധികളിലാണ് പരിശോധന നടത്തുന്നത്. 63 സെക്ടറല് മജിസ്ട്രേറ്റുമാരാണ് പരിശോധന നടത്തിയത്.
ശാരീരിക അകലം, മാസ്ക്, സാനിറ്റൈസിംഗ് ലംഘനം, കൂട്ടംകൂടി നില്ക്കുക, പൊതുസ്ഥലങ്ങളില് തുപ്പുക, സമയ പരിധി കഴിഞ്ഞിട്ടും കടകള് തുറന്നു വെക്കുക, കോവിഡ് മാനദണ്ഡങ്ങള് പാലിക്കാതെ കല്യാണം നടത്തുക, ഉത്സവം നടത്തുക എന്നിവയ്ക്കെതിരെയാണ് കേസ് എടുത്തത്. കടകള്, മാളുകള്, സിനിമ തീയറ്ററുകള്, ആരാധനാലയങ്ങള് എന്നിവിടങ്ങളിലും വിവാഹം ഉള്പ്പെടെയുള്ള പരിപാടികളിലും കണ്ടെയ്ന്മെന്റ് സോണുകളിലും പരിശോധിക്കുന്നുണ്ട്. ഇത്തരം സ്ഥലങ്ങളില് 24 മണിക്കൂറും സെക്ടറല് മജിസ്ട്രേറ്റുമാര് പരിശോധന നടത്തുന്നുണ്ട്.
