തിരുവനന്തപുരം, 2026 ജൂൺ 27

ബാൾട്ടിമോർ, 2026 ജൂൺ 27 – ഇന്ത്യൻ നാവികസേനയുടെ പരിശീലന പായ്ക്കപ്പലായ സുധർശിനി ജൂൺ 26-ന് അമേരിക്കയിലെ മേരിലാൻഡ് സംസ്ഥാനത്തെ ബാൾട്ടിമോർ തുറമുഖത്ത് എത്തി. സമുദ്രങ്ങൾ കടന്നുള്ള ലോകായൻ 26 ദൗത്യത്തിന്റെ ഭാഗമായാണ് ഈ യാത്ര. നോർഫോക്കിൽ നിന്ന് ബാൾട്ടിമോറിലേക്കുള്ള യാത്രയിൽ ചരിത്രപ്രസിദ്ധമായ ചെസപീക്ക്-ഡെലവെയർ കനാൽ വഴിയും പ്രധാന പാലങ്ങൾക്കു കീഴിലൂടെയും കപ്പൽ സഞ്ചരിച്ചു.

ഈ സന്ദർശനം ഇന്ത്യയുടെ സമ്പന്നമായ സമുദ്ര പാരമ്പര്യവും ഇന്ത്യൻ നാവികസേനയും അമേരിക്കൻ നാവികസേനയും തമ്മിലുള്ള സൗഹൃദവും സഹകരണവും എടുത്തുകാട്ടുന്നതാണ്. ബാൾട്ടിമോറിലെ താമസത്തിനിടെ സമുദ്ര സഹകരണ പരിപാടികളും ജനസമ്പർക്ക പ്രവർത്തനങ്ങളും നടക്കും. അമേരിക്കയുടെ ഇരുനൂറ്റിയമ്പതാം വാർഷികാഘോഷങ്ങളുടെ ഭാഗമായി നടക്കുന്ന ആഘോഷങ്ങൾക്ക് മുന്നോടിയായാണ് ഈ പരിപാടികൾ സംഘടിപ്പിച്ചിരിക്കുന്നത്.

ഇതിന് മുമ്പ് ജൂൺ 19 മുതൽ 23 വരെ നോർഫോക്കിൽ നടന്ന ആഘോഷങ്ങളിലും സുധർശിനി പങ്കെടുത്തു. ലോകത്തിന്റെ വിവിധ ഭാഗങ്ങളിൽ നിന്നെത്തിയ പായ്ക്കപ്പലുകൾക്കൊപ്പം ഇന്ത്യയെ പ്രതിനിധീകരിച്ച് കപ്പൽ പരേഡുകളിലും പങ്കാളിയായി. അഞ്ച് മാസത്തിനിടെ കൊച്ചിയിൽ നിന്ന് നോർഫോക്കിലേക്ക് പതിമൂവായിരത്തിലധികം നോട്ടിക്കൽ മൈൽ സഞ്ചരിച്ച ഈ സമുദ്രയാത്ര ഇന്ത്യയുടെ സമുദ്ര പാരമ്പര്യത്തിന്റെയും ലോകസൗഹൃദത്തിന്റെയും പരസ്പര വിശ്വാസത്തിന്റെയും പ്രതീകമായാണ് അവതരിപ്പിച്ചിരിക്കുന്നത്.