വാരാണസിയിൽ നിന്ന് രാജ്യത്തെ ആദ്യ ‘എളുപ്പ ബന്ധ’ അന്തർദേശീയ വിമാന സർവീസിന് തുടക്കം

വാരാണസി, 2026 ജൂൺ 26

വാരാണസിയിലെ ലാൽ ബഹാദൂർ ശാസ്ത്രി അന്തർദേശീയ വിമാനത്താവളത്തിൽ നിന്ന് രാജ്യത്തെ ആദ്യ ‘എളുപ്പ ബന്ധ’ ( ഈസി കണക്ട്)  അന്തർദേശീയ വിമാന    സർവീസ് കേന്ദ്ര സിവിൽ വ്യോമയാന മന്ത്രി രാം മോഹൻ നായിഡു കിൻജരാപു ഉദ്ഘാടനം ചെയ്തു. കേന്ദ്ര വിമാനത്താവളവും പ്രാദേശിക വിമാനത്താവളങ്ങളും ബന്ധിപ്പിക്കുന്ന പുതിയ മാതൃകയുടെ ഭാഗമായാണ് ഈ സേവനം ആരംഭിച്ചത്. രണ്ടാംനിരയും മൂന്നാംനിരയും നഗരങ്ങളിലെ യാത്രക്കാർക്ക് കൂടുതൽ സുഗമമായ അന്തർദേശീയ യാത്ര ഉറപ്പാക്കുക എന്നതാണ് ഇതിന്റെ ലക്ഷ്യം.

പ്രധാനമന്ത്രിയുടെ കാഴ്ചപ്പാട് യാഥാർഥ്യമാക്കുന്ന വലിയ മുന്നേറ്റമാണിതെന്ന് മന്ത്രി പറഞ്ഞു. രാജ്യത്തെ ഏത് നഗരത്തിൽ നിന്നുള്ള യാത്രക്കാരനും സ്വന്തം നഗരത്തിൽ നിന്ന് തന്നെ അന്തർദേശീയ യാത്ര തുടങ്ങാൻ ഈ സംവിധാനം സഹായിക്കുമെന്ന് അദ്ദേഹം വ്യക്തമാക്കി. ആദ്യ സർവീസിലെ യാത്രക്കാർക്ക് മന്ത്രി സ്മാരക യാത്രാ പ്രവേശന രേഖ കൈമാറി. ചടങ്ങിൽ കേന്ദ്ര സിവിൽ വ്യോമയാന മന്ത്രാലയത്തിലെ ഉന്നത ഉദ്യോഗസ്ഥരും വിമാനത്താവള അതോറിറ്റിയുടെയും വിമാന സർവീസ് നടത്തിപ്പുകാരുടെയും പ്രതിനിധികളും പങ്കെടുത്തു. പുതിയ സംവിധാനത്തിൽ യാത്രക്കാർ യാത്ര ആരംഭിക്കുന്ന വിമാനത്താവളത്തിൽ തന്നെ രജിസ്ട്രേഷൻ, കുടിയേറ്റ പരിശോധന, ചുങ്ക പരിശോധന എന്നിവ പൂർത്തിയാക്കും. സുരക്ഷ ഉറപ്പാക്കാൻ പ്രത്യേക യാത്രാ പ്രവേശന രേഖകളും മറ്റ് നടപടിക്രമങ്ങളും ഒരുക്കിയിട്ടുണ്ട്.

രാജ്യത്തെ വ്യോമയാന മേഖലയെ കൂടുതൽ ശക്തിപ്പെടുത്തുക എന്ന ലക്ഷ്യത്തോടെയാണ് ഈ മാതൃക നടപ്പാക്കുന്നത്. വ്യാപാരം, വിനോദസഞ്ചാരം, നിക്ഷേപം, പ്രാദേശിക സാമ്പത്തിക വളർച്ച എന്നിവയ്ക്കും ഇത് സഹായകരമാകുമെന്നാണ് കേന്ദ്ര മന്ത്രാലയത്തിന്റെ വിലയിരുത്തൽ. ഈ മാതൃക മറ്റ് രണ്ടാംനിരയും മൂന്നാംനിരയും നഗരങ്ങളിലെ വിമാനത്താവളങ്ങളിലേക്കും വ്യാപിപ്പിക്കാനുള്ള പദ്ധതിയും കേന്ദ്ര സർക്കാർ മുന്നോട്ടുവച്ചിട്ടുണ്ട്.