ഇന്ത്യ-അമേരിക്ക ഉഭയകക്ഷി വ്യാപാര കരാർ ചർച്ചകൾക്ക് ന്യൂഡൽഹിയിൽ നിർണായക പുരോഗതി

അംബാസഡർ ജാമിസൺ ഗ്രീർ കേന്ദ്ര വാണിജ്യ-വ്യവസായ മന്ത്രി പീയുഷ് ഗോയലുമായി നിരവധി ഘട്ടങ്ങളിലായി ചർച്ച നടത്തി. വിപണിയിലെ കൂടുതൽ പ്രവേശനം, ഡിജിറ്റൽ വ്യാപാരം, വിതരണ ശൃംഖലയുടെ കരുത്ത് വർധിപ്പിക്കൽ, വ്യാപാരേതര തടസ്സങ്ങൾ കുറയ്ക്കൽ, തന്ത്രപ്രധാന മേഖലകളിലെ സഹകരണം എന്നിവയാണ് പ്രധാനമായും വിലയിരുത്തിയത്. കഴിഞ്ഞ മാസങ്ങളിലുണ്ടായ ചർച്ചകളിലെ പുരോഗതി ഇരുപക്ഷവും സ്വാഗതം ചെയ്തു. വ്യാപാര സ്ഥാപനങ്ങൾക്കും കർഷകർക്കും തൊഴിലാളികൾക്കും ഉപഭോക്താക്കൾക്കും പ്രയോജനം ചെയ്യുന്ന സന്തുലിതമായ കരാറിനുള്ള പ്രതിബദ്ധതയും ഇരുരാജ്യങ്ങളും ആവർത്തിച്ചു.

ആഗോള വ്യാപാര സാഹചര്യങ്ങൾ മാറുന്ന പശ്ചാത്തലത്തിൽ ഇന്ത്യ-അമേരിക്ക സാമ്പത്തിക ബന്ധത്തിന്റെ പ്രാധാന്യം വർധിച്ചുവരുന്നതായി ഇരുപക്ഷവും വിലയിരുത്തി. ഉഭയകക്ഷി വ്യാപാരം വികസിപ്പിക്കാനും നവീകരണം പ്രോത്സാഹിപ്പിക്കാനും വിശ്വസനീയമായ വിതരണ ശൃംഖല ശക്തിപ്പെടുത്താനുമുള്ള ലക്ഷ്യം വീണ്ടും ആവർത്തിച്ചു. നിലവിൽ തുടരുന്ന ചർച്ചകൾ സാമ്പത്തിക ബന്ധം കൂടുതൽ ശക്തമാക്കുമെന്നും സമഗ്ര ആഗോള തന്ത്രപരമായ പങ്കാളിത്തം കൂടുതൽ ആഴത്തിലാകുമെന്നും ഇരുപക്ഷവും പ്രതീക്ഷ പ്രകടിപ്പിച്ചു.