അപകടത്തിൽ നഷ്ടമായ കൈവിരലിന് പകരം കാല്വിരൽ വച്ചുപിടിപ്പിച്ചു

കോഴിക്കോട്, 2026 ജൂൺ 14 –

വാഹനാപകടത്തിൽ കൈവിരൽ നഷ്ടമായ യുവാവിന് കാലിലെ വിരൽ വച്ചുപിടിപ്പിച്ചു. കോഴിക്കോട് ഒരു സ്വകാര്യ ആശുപത്രിയിലാണ് ചികിത്സ നടന്നത്. 37 വയസുള്ള യുവാവിന്റെ ഇടത് കൈവിരൽ ആറുമാസം മുൻപ് അപകടത്തിൽ പൂർണമായും വേർപെട്ടിരുന്നു. തുടർന്ന് നഷ്ടമായ വിരലിന് പകരമായാണ് കാലിലെ വിരൽ ഉപയോഗിച്ച് പുനർനിർമാണ ശസ്ത്രക്രിയ നടത്തിയത്.

സെക്കൻഡ് ടോ-ടു-തമ്പ് ട്രാൻസ്ഫർ ശസ്ത്രക്രിയയിലൂടെയാണ് വിരൽ വച്ചുപിടിപ്പിച്ചത്. യുവാവിന് ഘട്ടംഘട്ടമായ പുനർനിർമാണ ചികിത്സയാണ് നൽകിയത്. ആദ്യം ട്യൂബ്ഡ് ഗ്രോയിൻ ഫ്ലാപ്പ് ഉപയോഗിച്ച് മൃദുകോശങ്ങളെ പാകപ്പെടുത്തുന്ന ചികിത്സ നടത്തി. തുടർന്ന് കഴിഞ്ഞ മാസം 18ന് മൈക്രോവാസ്കുലാർ സെക്കൻഡ് ടോ ട്രാൻസ്ഫറിലൂടെ വിരൽ പുനഃസ്ഥാപിച്ചു.

ശസ്ത്രക്രിയയുടെ ഭാഗമായി കാലിൽ നിന്നുള്ള വിരൽ കൈയിലേക്ക് മാറ്റിസ്ഥാപിക്കുകയും രക്തക്കുഴലുകൾ പുനഃസംയോജിപ്പിക്കുകയും ചെയ്തു. നിലവിൽ രോഗിക്ക് റീഹാബിലിറ്റേഷൻ ചികിത്സയും ഫിസിയോതെറാപ്പിയും നൽകുന്നുണ്ട്. കൈയുടെ പ്രവർത്തനക്ഷമത പരമാവധി വീണ്ടെടുക്കാനുള്ള ശ്രമങ്ങൾ തുടരുകയാണെന്ന് ഡോക്ടർമാർ അറിയിച്ചു.