തിരുവനന്തപുരം, 2026 ജൂൺ 12 –
സിപിഐ വഴുതക്കാട് ബ്രാഞ്ച് സെക്രട്ടറി രാഹുൽ കുമാർ ബിജെപിയിൽ ചേർന്നു. തിരുവനന്തപുരം മാറാർജി ഭവനിൽ നടന്ന ചടങ്ങിൽ ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ എംഎൽഎയിൽ നിന്ന് അദ്ദേഹം പാർട്ടി അംഗത്വം സ്വീകരിച്ചു. എഐവൈഎഫ് തിരുവനന്തപുരം ജില്ലാ കമ്മിറ്റി അംഗം കൂടിയാണ് രാഹുൽ കുമാർ.
രാഹുൽ കുമാറിനൊപ്പം സിപിഐയിൽ നിന്നുള്ള അഞ്ച് പേരും ബിജെപിയിൽ ചേർന്നു. രാഹുലിന്റെ നേതൃത്വത്തിലായിരുന്നു പാർട്ടി പ്രവേശനം. വഴുതക്കാട് വാർഡിൽ നിന്നുള്ള സിപിഐ പ്രവർത്തകരും അനുഭാവികളും ബിജെപിയിലേക്ക് എത്തുകയാണെന്നാണ് ബിജെപി നേതൃത്വത്തിന്റെ അവകാശവാദം.
വഴുതക്കാട് വാർഡിലെ നൂറോളം സിപിഐ അനുഭാവികളും പ്രവർത്തകരും വരും ദിവസങ്ങളിൽ ബിജെപിയിൽ ചേരുമെന്നാണ് സംസ്ഥാന നേതൃത്വം പറയുന്നത്. ഈ രാഷ്ട്രീയ നീക്കം പ്രാദേശിക തലത്തിൽ ശ്രദ്ധ നേടുകയാണ്.
