കടമ്പഴിപ്പുറം, 2026 ജൂണ് 9 –
മുണ്ടൂര്-തൂത സംസ്ഥാനപാതയില് അഴിയന്നൂര് പതിനാറാം മൈലില് മൂന്ന് ലോറികള് കൂട്ടിയിടിച്ച് അപകടം. പുലര്ച്ചെയുണ്ടായ അപകടത്തില് മൂന്ന് ലോറികള്ക്കും സാരമായ കേടുപാടുകള് സംഭവിച്ചു. അപകടത്തെ തുടര്ന്ന് പ്രദേശത്ത് ഗതാഗത തടസവും അനുഭവപ്പെട്ടു.
അപകടത്തില്പ്പെട്ട ഒരു ലോറിയിലെ സാധനങ്ങള് മറ്റൊരു വാഹനത്തിലേക്ക് മാറ്റിക്കയറ്റുന്നതിനിടെയായിരുന്നു തുടര് അപകടം. ഈ സമയത്ത് നിയന്ത്രണംവിട്ടെത്തിയ മറ്റൊരു ലോറി അപകടസ്ഥലത്തുണ്ടായിരുന്ന വാഹനങ്ങളില് ഇടിക്കുകയായിരുന്നു.
അപകടത്തെ തുടര്ന്ന് റോഡില് ഗതാഗതം ഭാഗികമായി തടസപ്പെട്ടു. തുടര്ന്ന് വാഹനങ്ങള് മാറ്റി ഗതാഗതം പുനഃസ്ഥാപിക്കാനുള്ള നടപടികള് സ്വീകരിച്ചു.
