തിരുവനന്തപുരം: ഹോണറേറിയം വർധിപ്പിച്ച സർക്കാർ തീരുമാനത്തിൽ സന്തോഷം പ്രകടിപ്പിച്ച് സെക്രട്ടറിയേറ്റിന് മുൻപിൽ ആശാ പ്രവർത്തകർടെ ആഹ്ളാദ പ്രകടനവും പായസം വിതരണവും നടത്തി. തങ്ങളുടെ ആവശ്യങ്ങൾ ഉന്നയിച്ച് 266 ദിവസമായി സെക്രട്ടറിയേറ്റിന് മുന്നിൽ നടത്തിവന്ന പ്രക്ഷോഭത്തിനൊടുവിലാണ് ആശാ പ്രവർത്തകർക്ക് അനുകൂലമായ തീരുമാനം ഉണ്ടായത്.
.
ഹോണറേറിയം വർധിപ്പിക്കാൻ സർക്കാർ തയ്യാറായതോടെയാണ് ആശാപ്രവർത്തകരുടെ ആഘോഷം
ദീർഘനാളത്തെ സമരത്തിനൊടുവിൽ ഹോണറേറിയം വർധിപ്പിക്കാൻ സർക്കാർ തയ്യാറായതോടെയാണ് ആശാ വർക്കേഴ്സ് യൂണിയന്റെ നേതൃത്വത്തിൽ മധുരപലഹാരങ്ങളും പായസവും വിതരണം ചെയ്ത് പ്രവർത്തകർ വിജയം ആഘോഷിച്ചത്. പുതുതായി അധികാരമേറ്റ യുഡിഎഫ് സർക്കാർ തങ്ങളുടെ ആദ്യ മന്ത്രിസഭാ യോഗത്തിൽ തന്നെ ആശാ പ്രവർത്തകരുടെ സംസ്ഥാന വിഹിതമായ ഓണറേറിയം 3,000 രൂപ വർധിപ്പിക്കാൻ തീരുമാനിക്കുകയായിരുന്നു.
