ബംഗളൂരു: കർണാടകയിൽ ഭാര്യയെ ഭർത്താവ് ക്രൂരമായി കൊലപ്പെടുത്തി. ധരിയപ്പ എന്നയാളാണ് ഭാര്യ കാവ്യ(35)യെ കൊന്നത്.വടക്കൻ ബംഗളൂരുവിലെ നാഗസാന്ദ്രയിൽ ഏപ്രിൽ 2 വ്യാഴാഴ്ത ഉച്ചക്ക് 12. 30 ഓടെയാണ് സംഭവം. സംഭവസമയം കുട്ടികൾ വീട്ടിലില്ലായിരുന്നു.
വീട്ടുചെലവുകൾക്കായി മാറ്റിവച്ചിരുന്ന രണ്ട് ലക്ഷം രൂപയെച്ചൊല്ലി ധരിയപ്പ ഭാര്യ കാവ്യയുമായി രൂക്ഷമായ വഴക്കുണ്ടായിരുന്നു. ധരിയപ്പ ആ പണം സഹോദരന് നൽകാനായിരുന്നു ഉദ്ദേശിച്ചിരുന്നത്. തർക്കം രൂക്ഷമായപ്പോൾ, ധരിയപ്പ ഭാര്യയെ ആക്രമിക്കുകയും പിന്നീട് കഴുത്തിൽ ചവിട്ടുകയും ചെയ്തു. ഇതേതുടർന്ന് ഇവർ മരിക്കുകയായിരുന്നു. ധരിയപ്പ തന്നെയാണ് വിവരം പോലീസിൽ അറിയിച്ചത്.പീനിയാ പോലീസ് പ്രതിയെ അറസ്റ്റ് ചെയ്തു. 10-ാംക്ലാസിൽ പഠിക്കുന്ന മകനും ജൂനിയർ കോളജിൽ പഠിക്കുന്ന മകളും ദമ്പതികൾക്കുണ്ട്.
