തിരുവനന്തപുരം: ഒരു വയസുകാരിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. തിരുവനന്തപുരം വാമനപുരം കണിച്ചോട് സ്വദേശികളായ അശ്വതി – സുഭാഷ് ദമ്പതികളുടെ മകൾ പവിത്രയെയാണ് മരിച്ച നിലയിൽ കണ്ടത്. മാർച്ച് 12 വ്യഴാഴ്ച വൈകുന്നേരം നടന്ന സംഭവത്തിൽ കുട്ടിയുടെ അമ്മയെ പോലീസ് ചോദ്യം ചെയ്യുകയാണ്.
മരണത്തിൽ ദുരൂഹതയുണ്ടെന്ന് പോലീസ്
അമ്മൂമ്മ തൊഴിലുറപ്പിന് പോയി മടങ്ങി എത്തിയപ്പോൾ കിടപ്പുമുറിയിലെ പായയിൽ കുട്ടിയെ അനക്കമില്ലാത്ത നിലയിൽ കണ്ടെത്തുകയായിരുന്നു.ഉടൻ തന്നെ കാരേറ്റെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. കുഞ്ഞിന്റെ കഴുത്തിൽ പാടുകളുണ്ടെന്നും മരണത്തിൽ ദുരൂഹതയുണ്ടെന്നും പോലീസ് പറഞ്ഞു.
