കൊച്ചി: നിയമവിധേയമായി നിഷ്പക്ഷവും സ്വതന്ത്രവും സുതാര്യവുമായ രീതിയിലായിരിക്കും തെരഞ്ഞെടുപ്പ് നടത്തുകയെന്ന് കൊച്ചിയിലെത്തിയ മുഖ്യതെരഞ്ഞെടുപ്പ് കമ്മീഷണര് (സിഇസി) ഗ്യാനേഷ് കുമാര് രാഷ്ട്രീയ പാർട്ടികൾക്ക് ഉറപ്പുനൽകി. എസ്ഐആര് നടപടികള് പൂര്ത്തിയാക്കിയ ബൂത്ത് ലെവല് ഓഫീസര്മാരെ തെരഞ്ഞെടുപ്പ് കമ്മീഷന് അഭിനന്ദിച്ചു. രാഷ്ട്രീയ പാർട്ടികളുമായി കൂടിക്കാഴ്ച നടത്തിയ തെരഞ്ഞെടുപ്പ് കമ്മീഷൻ വോട്ടര് പട്ടിക പുതുക്കല് തികച്ചും സുതാര്യമായാണ് നടത്തിയതെന്ന് അവകാശപ്പെട്ടു.
ശക്തമായ തിരിച്ചുവരവ് ഉണ്ടാകുമെന്ന് കോൺഗ്രസ്
തെരഞ്ഞെടുപ്പ് ചൂടിലേക്ക് എത്തിയ കേരളത്തിൽ സ്ഥാനാർഥി നിർണയവുമായ ചർച്ചകളാണ് നിലവിൽ നടക്കുന്നത്. പിണറായി വിജയനെ മുന്നിൽ നിർത്തി മൂന്നാം സർക്കാരിനെ പ്രതീക്ഷിച്ചുകൊണ്ടാണ് ഇടതുമുന്നണിയുടെ നീക്കങ്ങൾ. എന്നാൽ ശക്തമായ തിരിച്ചുവരവ് ഉണ്ടാകുമെന്നാണ് കോൺഗ്രസ് ക്യാമ്പിലെ പ്രതീക്ഷ.
