വി​ള​പ്പി​ൽ​ശാ​ല താ​ലൂ​ക്ക് ആ​ശു​പ​ത്രി​യി​ൽവീ​ഴ്ച​യു​ണ്ടാ​യിട്ടി​ല്ലെ​ന്ന് ആരോ​ഗ്യ മന്ത്രി ​

തി​രു​വ​ന​ന്ത​പു​രം: വി​ള​പ്പി​ൽ​ശാ​ല താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ ല​ഭി​ക്കാ​തെ രോ​ഗി മ​രി​ച്ചു​വെ​ന്ന ആ​രോ​പ​ണ​ത്തി​ൽ പ്ര​തി​ക​രി​ച്ച് ആ​രോ​ഗ്യ​മ​ന്ത്രി വീ​ണാ ജോ​ർ​ജ്. ആ​ശു​പ​ത്രി​യി​ൽ വീ​ഴ്ച​യു​ണ്ടാ​യി​ല്ലെ​ന്ന് മ​ന്ത്രി നി​യ​മ​സ​ഭ​യി​ൽ പ​റ​ഞ്ഞു. സു​ര​ക്ഷാ കാ​ര​ണ​ങ്ങ​ളാ​ലാ​ണ് ആ​ശു​പ​ത്രി അ​ട​ച്ചി​ട്ട​ത്. ഒ​ന്ന​ര മി​നി​ട്ടി​നു​ള്ളി​ൽ രോ​ഗി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. രോ​ഗി​ക്ക് സാ​ധ്യ​മാ​യ ചി​കി​ത്സ ന​ൽ​കി​യെ​ന്നും മ​ന്ത്രി വ്യ​ക്ത​മാ​ക്കി.

ഡോ​ക്ട​റു​ടെ സേ​വ​നം ല​ഭി​ക്കാ​ൻ ഏ​റെ കാ​ത്തി​രി​ക്കേ​ണ്ടി​വ​ന്നു.

ജനുവരി 26 തി​ങ്ക​ളാ​ഴ്ച​യാ​ണ് ശ്വാ​സ​ത​ട​സ​ത്തെ തു​ട​ർ​ന്ന് വി​ള​പ്പി​ൽ​ശാ​ല സ്വ​ദേ​ശി​യാ​യ ബി​സ്മീ​ർ(37) മ​രി​ക്കു​ന്ന​ത്. പു​ല​ർ​ച്ച​യോ​ടെ ബി​സ്മീ​റി​ന് ശ്വാ​സ​ത​ട​സം അ​നു​ഭ​വ​പ്പെ​ട്ടു. തു​ട​ർ​ന്ന് വി​ള​പ്പി​ൽ​ശാ​ല സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ൽ എ​ത്തി​ച്ചു. ഈ ​സ​മ​യം ആ​ശു​പ​ത്രി​യു​ടെ ഗേ​റ്റ് പൂ​ട്ടി​യ നി​ല​യി​ലാ​യി​രു​ന്നു​വെ​ന്നാ​ണ് കു​ടും​ബം ആ​രോ​പി​ക്കു​ന്ന​ത്. ഏ​റെ വൈ​കി​യാ​ണ് ആ​ശു​പ​ത്രി​യു​ടെ അ​ക​ത്ത് പ്ര​വേ​ശി​ക്കാ​നാ​യ​തെ​ന്നും കു​ടും​ബം പ​റ​ഞ്ഞു. അ​ക​ത്ത് ക​ട​ന്ന ശേ​ഷ​വും ഡോ​ക്ട​റു​ടെ സേ​വ​നം ല​ഭി​ക്കാ​ൻ ഏ​റെ കാ​ത്തി​രി​ക്കേ​ണ്ടി​വ​ന്നു.

മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ബി​സ്മീ​റിന്റെ ജീവൻ രക്ഷിക്കാനായില്ല.

ഒ​ടു​വി​ൽ ഡോ​ക്ട​ർ വ​ന്ന് പ​രി​ശോ​ധി​ക്കു​മ്പോ​ൾ ബി​സ്മീ​റി​ന്‍റെ നി​ല ഗു​രു​ത​ര​മാ​യി. തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലേ​ക്ക് റ​ഫ​ർ ചെ​യ്യു​ക​യാ​ണ് ഡോ​ക്ട​ർ ചെ​യ്ത​ത്. ആ​ശു​പ​ത്രി​യി​ലെ ത​ന്നെ ആം​ബു​ല​ൻ​സി​ൽ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ എ​ത്തി​ച്ചെ​ങ്കി​ലും ബി​സ്മീ​ർ മ​രി​ക്കു​ക​യാ​യി​രു​ന്നു​വെ​ന്നും കു​ടും​ബം പ​റ​ഞ്ഞി​രു​ന്നു.