ന്യൂഡൽഹി: റിപ്പബ്ലിക് ദിനാഘോഷത്തിനുള്ള എല്ലാ ഒരുക്കങ്ങളും രാജ്യതലസ്ഥാനത്ത് പൂർത്തിയായി. ജനുവരി 26 തിങ്കളാഴ്ച്ച രാവിലെയാണ് പ്രൗഢഗംഭീരമായ ചടങ്ങുകള്ക്ക് തുടക്കം കുറിക്കുക. ആഘോഷങ്ങൾക്ക് മുന്നോടിയായി രാഷ്ട്രപതി ദ്രൗപദി മുര്മ്മു ഇന്ന് (ജനുവരി 25)വൈകുന്നേരം രാജ്യത്തെ അഭിസംബോധന ചെയ്യും.
യൂറോപ്യന് യൂണിയന് കമ്മീഷന് പ്രസിഡന്റ് ഉര്സുല വോണ് ഡെയര് ലെയന്, യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റ് എന്നിവർ മുഖ്യാതിഥികൾ
പത്മാപുരസ്കാരങ്ങളും സൈനിക പോലീസ് മെഡലുകളും ഇന്ന് പ്രഖ്യാപിക്കും. ആഘോഷങ്ങളിൽ പങ്കെടുക്കാൻ യൂറോപ്യന് യൂണിയന് കമ്മീഷന് പ്രസിഡന്റ് ഉര്സുല വോണ് ഡെയര് ലെയന് ഇന്നലെ ഡല്ഹിയിലെത്തിയിരുന്നു. യൂറോപ്യന് കൗണ്സില് പ്രസിഡന്റ് അന്റോണിയോ കോസ്റ്റ ഇന്ന് എത്തും.നാളെ റിപ്പബ്ലിക് ദിന പരേഡില് ഇരുവരും മുഖ്യാതിഥികളായി പങ്കെടുക്കും. റിപ്പബ്ലിക് ദിനാഘോഷത്തിന്റെ ഭാഗമായി പഴുതടച്ച സുരക്ഷയാണ് രാജ്യത്ത് ഒരുക്കിയിരിക്കുന്നത്.
