കൊച്ചി: ഫ്ലക്സ് ബോര്ഡുകളും തോരണങ്ങളും സ്ഥാപിക്കാനാണെങ്കില് സംസ്ഥാനത്ത് നടപ്പാതകള് ആവശ്യമില്ലെന്നു ഹൈക്കോടതി. കോടതി ഉത്തരവുകള് നിരന്തരം ലംഘിക്കപ്പെടുന്നത് അദ്ഭുതപ്പെടുത്തുന്നു. നവകേരളം കടലാസില് മാത്രം പോരെന്നും സിസ്റ്റം പരാജയപ്പെടുന്നുവെന്നാണ് ഇതിന്റെ അര്ഥമെന്നും ജസ്റ്റീസ് ദേവന് രാമചന്ദ്രന് പറഞ്ഞു.
കഴിഞ്ഞ ആഴ്ച കൊച്ചി കോര്പറേഷനോട് റിപ്പോര്ട്ട് തേടിയിരുന്നതായി കോടതി പറഞ്ഞു.
തിരുവനന്തപുരം നഗരത്തിലെ നടപ്പാതകളിലടക്കം നടക്കാന് കഴിയാത്ത വിധം ബോര്ഡുകളും കൊടികളും സ്ഥാപിച്ചിരിക്കുകയാണെന്ന അമിക്കസ്ക്യൂറിയുടെ റിപ്പോര്ട്ട് പരിഗണിച്ചാണു കോടതിയുടെ വിമര്ശനം. കഴിഞ്ഞ ആഴ്ച കൊച്ചിയിലും ഇത്തരത്തില് ബോര്ഡുകള് സ്ഥാപിച്ചിരുന്നതിന്റെ അടിസ്ഥാനത്തില് കൊച്ചി കോര്പറേഷനോട് റിപ്പോര്ട്ട് തേടിയിരുന്നതായി കോടതി പറഞ്ഞു.
തിരുവനന്തപുരം കോര്പറേഷന് സെക്രട്ടറിയോട് റിപ്പോര്ട്ട് തേടി
അനധികൃത ബോര്ഡുകള് സ്ഥാപിക്കുന്നതു തടയാന് നടപടി സ്വീകരിക്കാത്ത തിരുവനന്തപുരം കോര്പറേഷന് എന്താണു ചെയ്യുന്നതെന്നു വാക്കാല് ചോദിച്ച കോടതി, തുടര്ന്ന് സെക്രട്ടറിയോട് ഇതു സംബന്ധിച്ച റിപ്പോര്ട്ട് തേടി.
